اسلام آباد/بیجنگ۔25اکتوبر (اے پی پی):چیئرمین سینیٹ محمد صادق سنجرانی ءَ پارلیمانی ڈل ءِ ھمبراھی ءَ چین ءِ شہر بیجنگ ءَ چائنہ انٹرنیشنل ڈویلپمنٹ کوآپریشن ایجنسی ءِ تر ءُ تاب کت ءُ ایشی ءِ چیئرمین لوژاؤہوئی ءَ گوں گند ءُ نند کت۔ گند ءُ نند ءَ پاکستان ءُ چین ءِ نیام ءَ دو نیمگی یکوئیءُ کمک آناں مھکم جوڑ کنگ ءِ ھوالگ ءَ تران کنگ بوت۔ چیئرمین سینیٹ ءَ پاکستان ءِ دیمروئی کوشست آنی تہءَ چین ءِ یک چیکیں کمک کنگ ءِ پد ءَ شگر ءُمنت واری ءِ درشان کنان ءَ گوشت کہ دیمروئی منصوبگ آناں دیمروئی دیگ ءَ سی آئی ڈی اے ءِ اگاں گران بھائیں شریکدار آناں ھم ساڑات۔ چیئرمین سینٰٹ ءَ ملکی پالیشی آنی جوریشت ءَ پارلیمنٹ ءِ ارزشتی ایں کرد آنی سر ءَ چمشانک ھم دات۔ گند ءُ نند ءَ پاکستان ءَ پارلیمانی ازمکاری ءَ را ودینگ ءِ واستہ یکجائی جزم ءِ درشان ھم کنگ بوت۔ چیئرمین سینیٹ محمد صادق سنجرانی ءُ سی آئی ڈی اے چیئرمین لوژؤہوئی ءَ اسلام آباد ءَ انٹرنیشنل پارلیمنٹیرین کانگریس ءِ ھیڈ کوارٹر ءِ جو ڑیشتی پلان ءِ ھوالگ ءَ ھیال ریچی کت۔ آئی ءَ منصوبگ آناں گیش برجم کنگ ءِ واستہ گپءُ تران آنی رچ آناں برجا دارگ ءِ ھوالگ ءَ تپاک کت۔
