پولیو  ءِ  گر ءُ دار  یک راجی   مول ءُ مراد ات ایشی ءِ واستہ  مارا درستاناں  یک مشت بوھگی  انت،   پولیو ویکسین  وارینگ ءِ واستہ  ھمک زھگ ءَ تاں  پجگ  ءُ سر بوھگی انت،   ادارکی  مزن وزیر  انوار الحق  کاکڑ  ءِ   پولیو ءِ  گر ءُ دار ءِ   میاں اوستمانی روچ ءِ موہ ءَ    مراگش ءَ گوں گشتانک

اسلام آباد۔24اکتوبر  (اے پی پی): ادارکی  مزن وزیر  انوار الحق  کاکڑ  ءَ گوشتگ کہ  پولیو  ءَ  ھوار  چاگردف ءِ  توامیں   نیگیٹو  رند پد آنی  ھلاسی  مئے اولی کار انت،     پولیو ءِ گر ءُ   دار یک  راجی مول ءُ  مراد  ات،  ایشی ءِ واستہ مارا درستاناں  یک مشت بوھگی انت،  پولیو  ویکسین  وارینگ  ءِ واستہ مارا  ھمک زھگ ءَ تاں  پجگی انت، پاکستان ءَ دیمروئی    شریکدار آنی گوما   ھوار بوھان ءَ  پولیو ءِ گر ءُ دار  ءُ  زھگ ءُ  مات ءِ   علاج  ءِ واستہ  جوانیں گامگیج   کنگ بوھگ ءَ انت۔  پولیو ءِ گر ءُ دار ءِ ساھت ءَ    بازیں پولیو ورکرز   ءُ سیکورٹی  کارندہ آنی  پرز آ نی پیلو  کنگ ءِ  وھد ءَ   وتی جان آناں قربان  کتگ۔   پولیو  ءِ  ھلاسی ءَ  بل  اینڈ  ملینڈا   گیٹس ءِ ازمت   آناں  بے  ھیال  کنگ بوت نہ  کنت۔    پولیو ءِ گر ءُ دار ءِ  کشک ءَ  استیں  پینگ   آناں  دیم ءَ   آیگ ءَ  نئیلاں۔  اے ھیالانی درشانی آئی  ءَ  سئے شمبے  ءَ  پولیو  ءِ گر ءُ دار ءِ  میاں  اوستمانی     روچ  ءِ موہءَ    مراگش  ءَ گوں گشتانک   دیان ءَکت۔  اے  موہ ءَ  ادارکی  بنجاھی وزیر  اھوالکاری ءُ شنگ کاری  مرتضیٰ  سولنگی ءُ ادارکی      بنجاھی   وزیر  جان سلامتی ڈاکٹر  ندیم  جان  ھم   ساڑی ات۔