مظفر آباد۔24اکتوبر (اے پی پی):صدر آزات جموں کشمیر بیرسٹر سلطان محمود چوہدری ءَ گوشتگ کہ بھارت مودی ءِ ناشرکاری پالیشی آنی سبب ءَ میاں اوستمانی ناشرکار ءِ رنگ ءَ دیم ءَ سہرا بوتگ ءُ آ وھد دور نہ انت کہ وھدیکہ ٹکر ٹکر بیت ءُ مودی بھارت ءِ گوربا چوف سہرا بیت۔ 27 اکتوبر 1947 ءَ بھارتی فوج کشمیر ءِ سر ءَ زوراک بوتگ انت، کشمیری اے روچ ءَ سرجمیں دگنیا ھاسیں رنگ ءَ لندن ، نیویارک ، برسلز ، پیرس، برلن ءُ دگنیا ءِ ایندگر ملک آنی تہءَ یوم ءِ سیاہ ءِ رد ءَ برجم دار انت۔ اے روچ ءَ جاک ءُ کوکار کنگ بیت، اسرائیل ءِ نیمگ ءَ چہ غزہ ءَ بے کسوریں فلسطینی آنی سر ءَ بمباری ءَ را گوں ترندی ءَ مذمت گراں۔ میاں اوستمانی برات اسرائیل ءَ را فلسطین آنی سر ءَ بمباری ءَ چہ مکن بکنت، آزات جموں کشمیر آزاتی ءِ بیس کیمپ انت ءُ ادا چہ ما سرجمیں شد ءُ مد آں چہ کشمیر ءِ جیڈھ ءَ را میان اوستمانی تکءَ سہرا کنگ ءِ واستہ وتی کرد ءَ پیلو کناں۔ مرچی آزات کشمیر ءِ ھپتاد ءُ ششمی یوم ءِ تاسیس ءِ موہءَ سرجمٰں راج ءَ را مبارکی دیاں، مئے بزرگ آں غازی ملت سردار محمد ابراہیم خان ءِ سروکی ءَ اے پڑ ءَ را آزات کنائینتگ۔ ادا سر بوھگ ءَ شہید آنی ھون ءُ زالبول آنی ورنا آنی پیرین آنی قربانی ءُ لڈ ءُ بار ءِ یک سفر ءِ ھوار انت۔ تاریخ گواہ انت کہ ریاست جموں کشمیر ءِ الس آں مدام زوراکی ءِ ھلاپ ءَ گوانک چست کتگ۔ آئی ءَ اے ھیالانی درشانی مرچی ادا د ارالحکومت مظفر آباد ءِ ہائی کورٹ گراؤنڈ ءَ آزات کشمیر ءِ 76 ھپاد ءُ شممی یوم ءِ تاسیس ءِ موہءَ برجمیں مراگش ءَ ھاسیں مہمان ءِ بستار ءَ گشتانک دیان ءَ کت۔ مراگش ءَ مزن وزیر آزات حکومت ریاست جموں کشمیر چوہدری انوار الحق ، سپیکر کانود جوڑ کنوکیں اسمبلی چوہدری لطیف اکبر، حکومت ءِ وزیر، ممبر اسمبلی ، سیکرٹریز، انسپکٹر جنرل پولیس ، ٹوھیں سول ءُ اردی کارندہ آنی ھوار بوھگ ءَ ابید شہری آنی مزنیں کساس ءِ ساڑی ات۔
