اسلام آباد۔24اکتوبر (اے پی پی): راجی اسمبلی ءِ اسپیکر راجہ پرویز اشرف ءَ پاکستان ءِ غوری ویپن سسٹم ءِ سوبمندیں تجروبت کنگءَ مراد بات داتگ۔ راجی اسمبلی سیکرٹریٹ ءَ چہ شنگ بوتگیں بیان ءِ ردءَ راجی اسمبلی ءِ اسپیکر ءَ گشتگ کہ غوری ویپن سسٹم ءِ سوبمندیں تجروبتءَ چہ ملک ءِ دیمپانی زانتکاری گیش بنت۔ سرجمیں راج ءَ را وتی زانت کاریں سائنسدان ء ُ انجینئر آنی سرءَ پھر اِنت۔ غوری ویپن سسٹم ءِ سوبمندیں تجروبت پاک فوج، سائنسدان ء ُ انجینئر آنی جہدء ُ کوشستانی برکت اِنت۔ آئیءَ گشتگ کہ راج وتی دیمپانی آسراتی، سائنسدان ء ُ انجینئر آنی پیش کتگیں ازمتاں کدی ہم ناشموشیت۔ راجی اسمبلی ءِ اسپیکر ءَ پاک فوج ءِ گیشیں سوبمندی ء ِ ھاترءَ وتی نیکیں وائشتانی درشانی کتگ۔
