خنجراب  پاسءَ بہ گر تاں  سوات ءَ سئیل ء ُ سواد ءَ را دیمروئی  دیئگ ءِ بے مٹیں بلد کاری اَست، ادارکی مزن وزیر انوار الحق کاکڑ

اسلام آباد۔24اکتوبر  (اے پی پی): اداکی مزن وزیر انوار الحق کاکڑءَ گشتگ کہ خنجراب پاسءَ بہ گر تاں سواتءَ سئیل ء ُ سواد ءَ را دیمروئی  دیئگ ءِ بے مٹیں  آسراتی اَست۔ اے ھیالا نی  درشانی آئی ءَ نامداریں بیپاری شخصیت ء ُ پاکستان سروسز لمیٹڈ ءِ چیف ایگزیکٹو آفیسر مرتضیٰ ہاشوانی ءَ گوں گپء ُتران کنان ءَ کتگ۔ مرتضیٰ ہاشوانی ءَ مزن وزیرءَ را ملک ءِ تہا معاشی محکمی آرگ ءِ سوبمندیں کوشستانی سرءَ دادءُ سلام پیش کتگ۔ آئی ءَ زرکاری آسراتی کونسل ( ایس آئی ایف سی ) ءِ وسیلگءَ ملک ءِ بیپاری کمیونٹی ء ُ حکومت ءِ نیامءَ بیپاری شریداری کنگءِ سوج داتگ۔  مزن وزیرءَ گشتگ کہ  خنجراب پاس ءَ بہ گر تاں سواتءِ دمگءَ سئیل ء ُ سواد ءِ بازیں موہ اَست۔ پاکستانی بیپاری کمیونٹی ء ُ چینی کمک ءِ وسیلگءَ  خنجراب پاس بہ گر تاں سوات ءِ دمگءِ سئیل ء ُ سواد ءِ پڑءَ  بے مٹیں کار کنگ بوہگءَ اَنت۔ گندء ُ نندءِ تہا سئیلءُ سواد ی دمگاں انوگیں سرکاری ملکیتی ماڑیاناں پبلک پرائیویٹ پارٹنرشپ ءِ وسلیگءَ بیپاری سرُءُ پرآنی ھاترءَ کارمرز کنگءِ ہوالگءَ ہم ھیالء ُ لیکہ ءِ درشانی کنگ بوتگ۔