اسلام آباد۔24اکتوبر (اے پی پی): ادارکی مزن وزیر انوار الحق کاکڑ ءَ سیادی داروکیں وزارت آناں ربیع ءِ کشار ءِ واستہ یک شلی ءَ کد پجاری ءِ واستہ گامگیج سہرا کنگ ءِ پنت ءُ شون کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ادارکی مزن وزیر ءِ سروکی ءَ ربیع ءِ کشار ءِ واستہ یوریا ءِ پجاری ءِ بابت ءَ چار ءُ …
ادارکی مزن وزیر انوار الحق کاکڑ ءِ سیادی داروکیں وزارت آناں ربیع ءِ کشار آنی واستہ یک شلی ءَ کد پجاری ءِ واستہ آیوکیں گامگیج جوڑ کنگ ءُ پیش کنگ ءِ پنت ءُ شون
گیشتریں ھال
اسلام آباد۔24اکتوبر (اے پی پی): ادارکی مزن وزیر انوار الحق کاکڑ ءَ سیادی داروکیں وزارت آناں ربیع ءِ کشار ءِ واستہ یک شلی ءَ کد پجاری ءِ واستہ گامگیج سہرا کنگ ءِ پنت ءُ شون کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ادارکی مزن وزیر ءِ سروکی ءَ ربیع ءِ کشار ءِ واستہ یوریا ءِ پجاری ءِ بابت ءَ چار ءُ تپاسی دیوان ءِ برجم دارگ بوت۔ ربیع ءِ کشار ءِ واستہ دھکان آناں یک شلی ءَ کد پجاری ءَ را دل یکیمی جوڑ کنگ بہ بیت۔ مزن وزیر ءَ گوشتگ کہ کد ءِ وافر اسٹاک آناں جوانیں کچ ءَ وھد ءُ موہ ءِ سر ءَ بست ءُبند کنگ بہ بیت۔ ضلعی انتظامیہ کد ءِ قیمت آناں چار ءُ تپاسی بہ زور انت۔ دیوان ءَ را کد ءِ پیداوار ءِ واستہ لس چیز آنی قیمت، کد ءِ استیں قیمت ، کد ءِ فیکٹری آناں گیس ءِ پجاری ءُ لوٹ ءِ ھوالگ ءَ سرجمیں ھال آنی بابت ءَ سرپد کنگ بوت۔ دیوان ءَ ادارکی بنجاھی وزیر گوہر اعجاز، کوثر عبداللہ ملک، محمد علی، مشیرِ مزن وزیر احد خان چیمہ ءُ سیادی داروکیں کارندہ آں بھر زوری کت۔
