پاکستان  ءُ اوگانستان  ءِ ایمنی یک ءِدومیگ  ءِ گوما   بندوک انت،   جوانیں بارڈر   مینجمنٹ  ءُ سیکورٹی دوئیں ملک آنی الس آنی   سیت ءِ واستہ    انت،   ادارکی  بنجاھی  وزیر   اھوالکاری  مرتضٰی سولنگی  ءِ اوگان  اھوالکار  آنی    ڈل ءَ گوں  تران

اسلام آباد۔24اکتوبر  (اے پی پی): ادارکی   بنجاھی وزیر اھوالکاری ءُ شنگ کاری مرتضیٰ سولنگی  ءَ گوشتگ کہ  پاکستان ءُ اوگانستان  ءِ ایمنی  یک  ءِ دومیگ ءِ گوما    بندوک انت،  جوانیں  بارڈر  مینجمنٹ  ءُ  سیکورٹی  دوئیں ملک آنی الس آنی سیت  ءِ   واستہ انت۔   اے گپ آئی  ءَ سئے شمبے  ءَ ادا   اوگان اھوالکار   آنی ڈل   ءِ گوما  گند ءُ نند  ءِ ساھت  ءَ  تران  کنان ءَ کت۔  گند ءُنند ءَ اوگان  اھوالکار   آنی  جیڈھ،  ویزا  جیڈھ  ءُ ایندگر  ارزشتی ایں   کار آنی  ھوالگءَ     ھیال ریچی   بوت۔ ادارکی  بنجاھی وزیر اھوالکاری   ءَ گوشت  کہ  رسانک  در آنی زمہ واری  انت کہ  دژمن آنی  ٹک ءُ نشان  ءَ  بکن   آں  تانکہ   ریاست  آواں  شکست بہ دنت۔  آئیءَ گوشت کہ اوگان اھوالکار آنی ویزا    ءِ  جیڈھ    آنی ھوالگ ءَ وزارت ءِتہی کار ءُوزارت  ءِ درئی کار   ءَ گوں رابطہ   کنگ بیت،  پاکستان  یک زمہ واریں ریاست  ءِرد ءَ   ا ے  گپ ءَ دل یکیمی  جوڑ کنت  کہ توامیں گیر   ملکی کانودی   رپک آں چہ  مئے  ملک   ءَ   پتراں۔  اوگاں  اھوالکار آنی ڈلءَ   ادارکی   بنجاھی وزیر   اھوالکاری    ءِجیڈھ  آنی     گیواری   ءَ را  دل یکیمی کنگ ءِ   شگر ءُ منت واری   گپت۔