کوئٹہ۔ 23 اکتوبر (اے پی پی):گوادر ڈویلپمنٹ اتھارٹیءُ بلوچستان موٹر اسپورٹس ءِ سروکی ءَ گوادر آف روڈ ریلی ءِ گڈسری مراگشءَ حاسیں مہمان سینیٹر کہدہ بابرءَ روانک ءِ سوبمند بوتگیں جیئند بلوچ، رنر نادر مگسی، سٹاک کٹیگریءِ سوبمند بوتگیں میر نواز دشتی ءَ ہوار بازیں کیٹیگری آنی پوزیشن ہولڈر آنی تہا دادءُ انعام ء ُ ٹرافی بہرء ُ بانگ کتگ۔ گوادر آف روڈ ریلی ءِ گڈ سرءَ بابا بزنجو فٹبال سٹیڈیم ءَ گڑ سری مراگش کنگ بوتگ۔ مراگش ءَ ڈائریکٹر جنرل جی ڈی اے داؤد خان خلجی، کمشنر مکران سعید عمرانی، ڈی آئی جی پولیس مکران مسرور عالم کولاچی، ڈپٹی کمشنر گوادر اورنگزیب بادینی، گوادر آف روڈ ریلیءِ سی سی او طلحہ اقبال رئیس ءَ ریلی ءِ بازیں کیٹیگری آنی تہا بہر زوروکیں ریسرز آنی دلبڈی کتگء ُ آیاناں دادء ُ انعام داتگ۔ مراگش ءِ تہا مزنیں سرکاری آفیسر ، شہری، روانکءَ ہوار ملکی ء ُ درملکی ریسرز آں ہوار مردمانی مزنیں کساسے ہوار بوتگ۔
