اسلام آباد۔23اکتوبر (اے پی پی): ادارکی مزن وزیر انوار الحق کاکڑ ءَ پی آئی اے ءِ زوت نجکاریءِ عمل ءَ را گشاد کنگءِ پنتء ُ شون کتگء ُ گشتگ کہ نقصان ءِ آماچیں سرکاری ادارگانی زوتاں چہ زوت نجکاریءَ کناں ء ُ اُلسءِ ٹیکس آنی زرآناں زوال بوہگءَ چہ رکین اَنت۔ اے ھیالانی درشانی آئی ءَ وتی سروکی ءَ پی آئی اے ءَ گوں ہمگرنچیں کارانی چارءُ تپاسی دیوان ءَ کتگ۔ دیوا نءِ تہا پی آئی اے ءِ نجکاری ءِ عمل ءِ سرءَ بوتگیں کارانی چارءُ تپاسی کنگ بوتگ۔ دیوان ءَ را پی آئی اے ءِ انوگیں مالی جاورھال ءَ چہ ہم سرپد کنگ بوتگ۔ دیوان ءِ تہا ادارکی بنجاہی وزیر شمشاد اختر، فواد حسین فواد، ہوابازی ایئرمارشل ءِ صلہ کار (ر) فرحت حسین ء ُ ہمگرنچیں مزنیں افسر ہوار بوتگ اَنت۔ دیوان ءِ تہا مزن وزیرءَ گشتگ کہ پی آئی اے ءِ نجکاری ءِ عمل سرجم بوہگءَ تاں حکومت آئی ءِ ہرچ بوہوکیں کمک ءَ کنت۔ نقصانءِ آماچیں سرکاری ادارگانی زوتاں چہ زوت نجکاریءَ کنان ء ُ اُلسءِ ٹیکس آنی زرآناں زوال بوہگءَ چہ رکین اَنت۔ مزن وزیرءَ پنتء ُ شون کتگ کہ پی آئی اے ءِ نجکاری ءِ عمل ءِ سرءَ بوتگیں کاراں چہ سرپد کنگ بہ بیت۔
