اسلام آباد۔23اکتوبر (اے پی پی): ادارکی مزن وزیر انوار الحق کاکڑ ءَ گوشتگ کہ پڑ ءَ یکجائی جیڈھ آنی گو ما دیم پہ دیمی انت ایشاں گوں گر ءُ چیل بوھگ ءِ واستہ یکجائی دیمروئی ءُ وشھالی ءِموہ پیداک کنگ ءِضلورت انت، پاکستان اقتصادی کمکی گل ای سی او ءِ ھمک باسکیں ملک آنی گوما دو نیمگی یکوئی آںاں گیش مھکم جوڑ کنگ ءِ واھشت ائیگ انت۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر انوار الحق کاکڑ ءَ مزن وزیر کارگس ءَ اقتصادی کمکی گل ا ی سی او ءِ باسکیں ملک آنی سفیر آں گوں گند ءُ نند کت۔ مزن وزیر ءَ دمگی دیمروئی ءِ واستہ اقتصادی کمکی گل ای سی او ءِ ارزشت ءَ را سہرا کت۔ آئی ءَ گوشت کہ ای سی او ءِ باسکیں ملک آنی تاریخ ءُ دود ءُ ربیدگ ھمگونگ انت۔ مرچی پڑ ءَ یکجائی جیڈھ آنی گوما دیم پہ دیمی انت ایشاں گوں گر ءُ چیل بوھگ ءِ ضلورت انت۔ مزن وزیر ءَ گوشت کہ پاکستان ای ل سی او ءِ باسکیں ملک آنی گوما دو نیمگی یکوئی آناں گیش مھکم جوڑ کنگ ءِواھشت ائیگ انت۔ آئی ءَ گوشت کہ آ 8 ءَ بگر تاں 9 نومبر 2023 ءَ تاں تاشقند، ازبکستان ءَ 16 شانزدھمی ای سی او ءِسروکی ءَ دیوان ءِموہءَ ای سی او ءِ باسکیں ملک آنی سروک آنی گوما وتی وتی گند ءُ نند ءِمنت وار بوتگ انت۔ سفیر آں پاکستان ءِ گوما مھکمیں یکوئی ءِ کشک آناں شاھیگان کنگ ءِ واستہ وتید وتی ملک آنی واھشت ءُای سی او ءِ وژن ءُمولءُ مراد آنی واستہ وتی یکجائی جزم ءِ درشان کت۔
