کوئٹہ۔ 23 اکتوبر (اے پی پی): ادارکی سر وزیر بلوچستان میر علی مردان خان ڈومکی دو شمبے ءَ یک روچی تر ءُ تاب ءِ ھاترا ، تربت ائیر پورٹ ءَ کمشنر مکران ڈویژن سعید احمد عمرانی، ڈی آئی جی مسرور عالم ، ڈپٹی کمشنر کیچ محمد حسین بلوچ ءُ ایندگر کارندہ آں ادارکی سر وزیر ءَ را وش اتک کت۔ کمشنر کارگس تربت ءَ ادارکی سر وزیر بلوچستان میر علی مرداسن خان ڈومکی ءِ سروکی ءَ ایمنی ءِ گر ءُ دار ءُ تربت واکیہ ءِ پٹ ءُ پول ءِ ھوالگ ءَ مزن تکی دیوان ءِ برجم دارگ بوت۔ ایشی ءِ اندر ءَ ادارکی صوبائی وزیر تہی کار میر زبیر خان جمالی ءُ سیادی داروکیں انتظامی اپسرگ آں بھر زوری کت۔ دیوان ءَ ادارکی سر وزیر بلوچستان ءَ را تربت واکیہ ءِ بابت ءَ سرجمیں بریفنگ دیان ءَ ایمنی ءِ برجائی ءِ ھوالگ ءَ کتگیں گامگیج آنی بابت ءَ سرپد کنگ بوت تربت ءَ یا کش ءُ گورے دمگ آنی تہءَ درئی اتکگیں مزور ایندگر شہر آں چہ اتکگ انت ، اے توامیں مزور آنی پروفائلنگ کنگ بوھگ ءَ انت۔ اے رد ءَ تومایں پرائیویٹ ءُ سرکاری جوڑیشتی کمپنی ءُ ٹھیکہ دار آناں المیں ایں گامگیج چست کنگ ءِ پنت ءُ شون کنگ بوتگ۔ دیوان ءَ را گوشگ بوت کہ تربت ءَ مزور آنی کوش ءِ واکیہ ءِ توامیں بھر ءُ پڑ آنی سر ءَ چار ءُ تپاسی گرگ بوھگ ءَ انت۔ دیوان ءَگوں گشتانک دیان ءَ ادارکی سر وزیر بلوچستان میر علی مردان خان ڈومکی ءَ گوشت کہ بے کسوریں مزور آنی کوش اپسوزی واکیہ ات ایش مئے درستانی واستہ نہ وشیں گپ ات۔ مارا اے واکیہ ءَ گوں دست مانجنیں مردم آنی کمک کار آناں گڈی آپ سر ءَ سر کنگی انت۔ آئی ءَ گوشت کجام ھم نہ وشیں واکیہ ءَ چہ پیسر ایشی ءِ گر ءُ دار ء واستہ جوانیں گامگیج وتی بکناں۔ ملک ءِ دژمن آناں آوانی لگوریں سلکاری آں گوں ڈگار ءَ جناں۔
