اسلام آباد۔23اکتوبر (اے پی پی): وزیر ءِ درئی کار جلیل عباس جیلانی کرگستان ءِ کابینہ ءِ چیئرمین عقیل بیک جاپاروف ءِ داتگیں دعوت ءِ پد ءَ 26 اکتوبر ءَ شنگھائی کمکی گل ایس سی او ءِ کونسل آف ھیڈ ز آف گورنمنٹ ءِ 22 بیست ءُ دومی دیوان ءَ پاکستانی ڈلءِ سروکی ءَ کنت۔ درئی کارانی کارگس ءِ ترجمان ءِ نیمگ ءَ چہ دو شمبے ءَ جاڑیگیں بیان ءِ رد ءَ دیوان ءَ چین، کزاکستان، کرگستان، روس ، تاجکستان ءُ ازبکستان ءِ سروک حکومت ، ایران ءِ نائب صدر ءُ پاکستان ءُ بھارت ءِ وزیر ءِ درئی کار بھر زوری کن اَنت۔ ایس سی او ءَ گشتانکار ءِ بستار ءَ داروکیں ملک بیلارو س ءُ منگولیا ءِ گوما ترکمانستان ھاسیں دعوت ءِ پد ءَ دیوان ءَ بھر زوری کنت۔ شنگھائی کمکی گل ایس سی او ءِ کونسل آف ھیڈ آف گورنمنٹ دومی درستاں چہ مستریں فورم انت۔ اے بنیاتی رد ءَ معیشت، مالیات، تجارت ءُ چاگردی ءُ اقتصادی کمک ءِ شوبگ ءَ دلگو ش کناں۔ پاکستان 26 اکتوبر 2023 ءَ شنگھائی کمکی گل ایس سی او ءِکونسل آف ھیڈ آف گورنمنٹ ء سروکی ءَ کنت۔ وزیر ءِ درئی کار دیوان ءِموہ ءَ دو نیمگی گند ءُ نند ھم کنت۔
