بیجنگ۔23اکتوبر (اے پی پی):چائنہ میٹالرجیکل گروپ کارپوریشن (ایم سی سی) ءَ پاکستان ءَ معدنی شوبگ ءِ دیمروئی ، اشکر ءِ چات آنی واستہ ایکسپورٹ پراسیسنگ زون جوڑ کنگ ءُ صنعتی پارک ءِ جوڑیشت ءِ ھوالگ ءَ واھگ ءِ درشان کتگ۔ دو شمبے ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ چیئرمین سینیٹ محمد صادق سنجرانی ءَ گوں ایم سی سی ءِڈل ءَ گوں گند ءُ نند کت ءُ وت مہ وتی واھگی کار آنی ھوالگ ءَ تران کت۔ چیئرمین سینیٹ ءَ پاکستان ءَ ایم سی سی ءِکار ءَ را ساڑات ءُ ایم سی لسی ڈل ءَ را پاکستان ءِ معدنیات ءِ شوبگ ءَ دیمروئی دیگ ءِھوالگ ءَ وتی سرجمیں کمک آنی دل یکیمی دات۔ چیئرمین سینیٹ ءَ ڈل ءَ ر ا پاکستان ءِ تر ءُ تاب کنگ ءِ دعوت ھم دات ءُ نوکیں منصوبگ بندات کنگ ءِ ھوالگ ءَ پاکستان ءَ استیں سٹیک ہولڈر ز آں گوں ایم سی سی ءِ گند ءُ نند کنگ ءِ پیشوکی گوشت۔ چیئرمین سینیٹ ءَ گوشت کہ ایکسپورٹ پراسیسنگ زون ءِچیر دستیءَ چاغی ءَنوکیں منصوبگ ریکورڈیک ءِ وڑیں ارزشتی ایں منصوبگ ءِ بیت۔ ایم سی سی ءِ ڈل ءَ چیئرمین سینیٹ ءَ را پاکستان ءُ ھاسیں رنگ ءَ بلوچستان ءُ خیبر پختونخوا ءِ معدنیات ءِ شوبگ ءَ گیش سرمایہ کاری کنگ ءِ دل یکیمی دات۔ ایم سی سی ڈل ءَ معدنیات ءِ شوبگ ءِ آسراتی ءُ اپ گریڈیشن ءِ واستہ پوپل ءِ شوہازگ ءِ واستہ کنڈ جنگ ءِ وااستہ ایکسپورٹ پراسیسنگ زون جوڑ کنگ ءِ مشورہ داتگ۔ پاکستان ءِ اندر ءَ ہزارانی مزور پیداک کنگ ءُ ملک ءَ گیر ملکی زر امبار در جنگ ءِ واستہ ایم سی سی ءِ معدنیات ءِ صنعتی پارک جوڑ کنگ ءِ مشورہ ھم دات۔
