اسلام آباد۔23اکتوبر (اے پی پی): ادارکی مزن وزیر انوار الحق کاکڑ ءَ پی آئی اے ءِ پرائیویٹ ءِ کار ءَ را ترند کنگ ءِ پنت ءُ شون کنان ءَ گوشتگ کہ وام آنی آماچیں سرکاری ادارگ آناں زوت پرائیویٹائزیشن کنان ءَ الس ءِ ٹیکس آنی زر آناں زیان ءَ چہ رکھیناں۔ اے ھیالانی درشانی آئیءَ پی آئی اے ءِ ھوالگ ءَ کار آنی سر ءَ چار ءُ تپاسی دیوان ءِ سروکی ءَ کنان ءَ کت۔ دیوان ءَ پی آئی اے ءِ پرائیویٹائزیشن ءِ بابت ءَ دیمروئی گامگیج آنی سر ءَ چار ءُ تپاسی گرگ بوت۔ دیوان ءَ پی آئی اے ءِ استیں مالی جاور ھال آنی بابت ءَ سرپد کنگ بوت۔ دیوان ءَ ادارکی بنجاھی وزیر شمشاد اختر، فواد حسن فواد، مشیر برائے بالی گراب ائیر مارشل (ر) فرحت حسین ءُ سیادی داروکیں اپسرگ آں بھر زوری کت۔ دیوان ءَ را پی آئی اے ءِ استیں مالی جاور ھال ءُ پرائیویٹائزیشن ءِ بابت ءَ سرجمیں بریفنگ دیگ بوت۔مزن وزیر ءَ ایشی ءِ ھوالگ ءَ گامگیج آناں گیشینتگیں وھد ءُ پاس آنی تہ ءَ سرجم کنگ ءِ پنت ءُ شون کت ءُ یک شل ءَ ایشی ءِ ھوالگ ءَ رپوٹ پیش کنگءِ ھم پنت ءُ شون کت۔ مزن وزیر ءَ گوشت کہ پی آئی اے ءِ پرائیویٹائزیشن ءِ کار سرجم بوھگ ءَ تاں حکومت ایشی ءِ ھمک رنگیں کمک کنت۔ وام آنی آماچیں سرکاری ادارگ آناں زوتاں زوت پرائیویٹائزیشن کنان ءَ الس ءِ ٹیکس آنی زر آناں زیان بوھگ ءَ چہ رکھین ائیت۔ آئی ءَ پنت ءُ شون کت کہ پی آئی اے ءِ پرائیویٹائزیشن ءِ کار ءَ را ترند کنان ءَ زوت سرجم ءُ پرائیویٹائزیشن ءِ کار ءِ ھوالگ ءَ دیمروئی گامگیج آنی بابت ءَ سرپد کنگ بیت۔
