اسلام آباد۔29ستمبر (اے پی پی): آیوکیں بیست ءُ چار کلاک آنی ساھت ءَ برزئی دمگ خیبر پختونخوا ، پنجاپ ، پوٹھوہار، کشمیر ءُ گلگت بلتستان ءَ ترندیں گوات ءِ گوما ھوار ءُ گوات ءُ گرند ءُ گروک ءِ گوما ھوار بوھگ ءِ گمان انت پدا ھم ملک ءِ ایندگر دمگ آنی تہ ءَ موسم ھشک بیت۔ محکمہ موسمیات ءِ رد ءَ گوستگیں بیست ءُ چار کلاک آنی ساھت ءَ گیشتریں دمگ آنی تہءَ موسم درشک بیت وھدیکہ برزی دمگ خیبر پختونخوا، اسلام آباد ءُ پوٹھوہار ءَ ترندیں گوات ءِ گوما ھور بوھگ گمان انت۔ درستاں چہ گیش چراٹ 24 ، دیر زیریں 14، برزئی 10 ، کالام 12 ، پٹن 11، مالم جبہ، مرداسن 8، سیدو شریف، میر کھانی 5، درویش2، چترال، باچاخان (ائیرپورٹ) یک ، اٹک 15، راولپنڈی (شمس آباد 10، چکلالہ یک)، اسلام آباد( سیدپور 5، گولڑہ ، زیرو پوائنٹ 3، ایئر پورٹ یک) ءُ مری ءَ 3 ملی میٹر ھور ریکاٹ کنگ بوتگ۔ آدینگ ءِ روچ ءَ ریکاٹ کتگیں گیشاں چہ گیش گرمی ءِ کساس رپوٹ ءِ رد ءَ شہید بینظیر آباد ءُ حیدر آباد ءَ گرمی ءِ کساس 42 ڈگری سینٹی گریڈ ریکاٹ کنگ بوتگ۔
