اسلام آباد۔ 28 ستمبر (اے پی پی) صدر مملکت ڈاکٹر عارف علوی تون اسلام آباد انڈسٹریل ایسوسی ایشن نا ڈل محمد احمد نا کماشی ٹی اوڑدہی کرے۔ اوڑدہی ٹی صدر مملکت ملکی شونداری کن واپاری سرجزو  برآمدآتے پین ودفنگ نا گرج آ زور شاغا۔ ایوان صدر نا پریس ونگ انا رداٹ ڈل اتون گپ وتران کرسا صدر مملکت پارے کہ ملک اٹی انفارمیشن ٹیکنالوجی  نا بشخ اٹی زرکاری کننگ و آئی ٹی نا برآمد آتے ودفنگ آ چکار کننگ نا گرج ءِ۔ داوخت آ صدر مملکت ءِ ملکی زرگزران و برآمد آتیٹی اسلام آباد انڈسٹریل ایسوسی ایشن نا کڑد انا بارواٹی معلومدار کرے۔ ڈل صدر مملکت ءِ اسلام آباد نا صنعتی بشخ ءِ مون تروک ویل آتا بارواٹی ہم حوال تس۔ صدر مملکت ملکی زرگزران و برآمد آتیٹی اسلام آباد انڈسٹریل ایسوسی ایشن نا کڑد انا ستاء ءِ کرے۔

متعلقہ مضامینمصنف کی طرف سے مزید