قاہرہ۔ 28 ستمبر (اے پی پی) مصر انا دارالحکومت قاہرہ ٹی پاکستانی سفارت خانہ عئید میلاد النبی ﷺ و پاک مصر سفارتی تعلقداری نا 75 می سال دے انا وخت آ قوالی نائٹ نا بست وبند کرے۔ قاہرہ ٹی پاکستانی سفارت خانہ نا کنڈآن جاری بیان نا رداٹ قاہرہ نا اوپیرا ہاؤس اٹی اڈہلوک آ دا دود اٹی جہانی کہول آ شہرت یافتہ پاکستانی قوال استاد فریدایاز۔ ابو محمد اینڈ برادرز صوفیانہ کلام قوالی نا دروشم اٹ پیش کرسا حاضرین آتیان جوان داد ہلک۔ او دا دے تیٹی سماع فیسٹول آف سپیریچوئل میوزک اٹی بشخ ہلنگ کن مصر انا دورہ غاٹی ءِ۔ اوقوالی نا روایتی انداز و جدت نا ملاپ آن دود اٹی بشخ ہلوک آتے مسحور کرے۔ دود اٹی قاہرہ ٹی درملکی سفارت خانہ غاتا عملہ نا باسک، مصری کمامدار، چندی بشخ آتا چاہندار و مصر اٹی رہینگوک آ پاکستانی تا بھلو کچ اس بشخ ہلکر۔
