اسلام آباد۔ 28 ستمبر (اے پی پی) ملک آن سرمٹ نا برآمد آتیٹی برجامالی سال انااولیکو سہ ماہی ٹی سالانہ بنداو تیا 71 درسد نا نمو گمانی ءِ۔ آل پاکستان سرمٹ مینو فیکچررز ایسوسی ایشن و ٹاپ لائن سیکورٹیز نا رداٹ مالی سال انا اولیکو سہ ماہی ٹی سرمٹ نا برآمد آتا کچ 1.75 ملین ٹن اسکان مننگ نا گمان ءِ ہرا تدوک آ مالی سال انا ہندا مد انا مقابلہ ٹی 71درسد زیات ءُ، تدوک آ مالی سال انا ہندا مد اٹی سرمٹ نا برآمد آتا کچ 1.02 ملین ٹن ریکارڈ کننگاسس۔ ستمبر 2023اٹی سرمٹ نا برآمد آتا 0.59 ملین ٹن اسکان سلنگ نا گمان ءِ ہرا تدوک آ سال ستمبر نا 0.48 ملین ٹن نا مقابلہ ٹی 23 درسد زیات ءُ۔ حساب وکتاب نا رداٹ مالی سال انا اولیکو سہ ماہی ٹی سرمٹ نا ہندی کھپت 9.96 ملین ٹن اسکان مننگ نا گمان ءِ ہرا تدوک آ مالی سال انا ہندا مد انا مقابلہ ٹی 16درسد زیاتءُ ۔ تدوک آ مالی سال انا اولیکو سہ ماہی ٹی سرمٹ نا ہندی کھپت8.60 ملین ٹن ریکارڈ کننگاسس۔ستمبر اٹی سرمٹ نا ہندی کھپت 3.39 ملین ٹن مننگ نا گمان ءِ ہرا تدوک آ سال ستمبر نا 3.81ملین ٹن انا مقابلہ ٹی 11 درسد کم ءُ۔
