اسلام آباد۔ 28 ستمبر (اے پی پی) اٹلی نا پاکستان تون فاضل واپار نا کچ اٹی برجامالی سال انا اولیکو اِرا تُو اٹی سالانہ بنداوتیا نمان ودکی ریکارڈ کننگانے، جولائی و اگست اٹی اٹلی ءِ پاکستانی برآمد آتیٹی سالانہ بنداو تیا 0.88 درسد وخت اس کہ اٹلی آن درآمد آتیٹی سالانہ بنداوتیا 92درسد نا نمان کمتی ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ برجامالی سال انا اولیکو اِرا تواٹلی ءِ برآمد آتیان ملک ءِ 195.53 ملین ڈالر نا زمبادلہ دوئی مس ہرا تدوک آ مالی سال انا ہندا مد انا مقابلہ ٹی 0.88 درسد کم ءِ تدوک آ مایل سال انا ہندا مد اٹی اٹلی ءِ برآمد آتیان ملک ءِ 197.27 ملین ڈالر نا زرمبادلہ دوئی مسوسس۔ اگست اٹ اٹلی ءِ پاکستانی برآمد آتا کچ 96.04ملین ڈالر ریکارڈ کننگا ہرا جولائی ٹی 99.49ملین ڈالر و تدوک آ سال اگست اٹی 91.97 ملین ڈالر ئس، مالی سالی 2023ٹی اٹلی ءِ برآمد آتیان ملک ءِ 1.151 ارب ڈالر نا زرمبادلہ دوئی مسوسس۔ اسٹیٹ بینک انا رداٹ اٹلی آن برآمد آتیٹی برجامالی سال انا اولیکو اِرا تُو اٹی سالانہ بنداو تیا 92 درسد نا کمتی مس، جولائی و اگست اٹی اٹلی آن درآمد آتا کچ 60.69 ملین ڈالر ریکارڈ کننگا ہرا تدوک آ مالی سال انا ہندا مد اٹی 116.51ملین ڈالر ئس، اگست اٹی اٹلی آن درآمد آتیا 26.79 ملین ڈالر نا زرمبادلہ صرف مس وہرا جولائی ٹی 33.90 ملین ڈالر و تدوک آ سال اگست اٹی 44.10 ملین ڈالر ئسر، مالی سال 2023اٹی اٹلی آن درآمد آتا جم کچ 526.93 ملین ڈالر ریکارڈ کننگاسس۔
