ڈاکٹر و ایلو طبی عملہ نا حاضری کن مانیٹرنگ نا نظام اس جوڑ کننگک و غیر حاضر طبی عملہ نا برخلاف سخت آن سخت کارروائی کننگک، چیئرپرسن پرنسپل بولان میڈیکل کالج پروفیسرڈاکٹر رازمحمد کاکڑ

کوئٹہ۔ 28 ستمبر (اے پی پی)بولان میڈیکل کمپلیکس ہسپتال کوئٹہ نا ایگزیکٹیو کونسل نا اولیکو دیوان ایگزیکٹو کونسل نا چیئرپرسن پرنسپل بولان میڈیکل کالج پروفیسرڈاکٹر رازمحمد کاکڑ ناکماشی ٹی بولان میڈیکل کمپلیکس ہسپتال کوئٹہ ٹی اڈ ہلک۔ دیوان اٹی ڈائریکٹر کلینیکل پروفیسر ڈاکٹر غلام مصطفیٰ وردگ، پروفیسر ڈاکٹر حنیف مینگل، پروفیسر سرجن خان بابر، پروفیسر ڈاکٹر جلال اچکزئی، پروفیسر صادق اچکزئی، ایسوسی ایٹ پروفیسر سرجن محمد اقبال، پروفیسر ڈاکٹر لطیف کاکڑ، پروفیسر ڈاکٹر نجمہ غفار، پروفیسر امجد حسین ، پروفیسر اشرف اچکزئی، پروفیسر امان اللہ کاکڑ، مین میڈیسن اسٹور انچارج، نرسنگ سپرنٹنڈنٹ و انسٹرومنٹ انچارج ئسک بشخ ہلکر۔ ایگزیکٹیو کونسل نا دیوان اٹی ہسپتال، ڈاکٹر آتے مون تروک ویل و اوفتا ایسری کن سرجمی اٹ سجفنگا۔ دیوان اٹی چندی فیصلہ غاتے کننگا ہرافتے ٹی ایمرجنسی سروسز، ایکسیڈنٹ و ایمرجنسی ڈیپارٹمنٹ اٹی پورو وڑاٹ فعال و طبی عملہ نا کمتی ءِ مر کننگ کن سلاہ تننگا، ایمرجنسی سروسز، ایکسیڈنٹ و ایمرجنسی ڈیپارٹمنٹ اٹ کاریم کروک آ ڈاکٹرآتا ڈیوٹی روسٹر نا رداٹ ڈیوٹی سرایترہ ڈاکٹر و ایلو طبی عملہ نا حاضری کن مانیٹرنگ نا نظام اس جوڑ کننگک و غیر حاضر طبی عملہ نا برخلاف سخت آن سخت کارروائی کننگک، ہسپتال نا چندی یونٹ ودامون ایمون سفائی نا نظام ءِ گچین کننگک تانکہ مریض آتے خوشگوار و توانا چاگڑد اس فراوان کننگ مرے۔ یونٹ نا کہول آ ہرمریض نا میڈیکل ریکارڈ نا خیالداری ءِ پک کننگک، چندی وارڈ و یونٹ آتیٹی دوائی تا بشخنگ نا نظام ءِ تیار و گچین، ہسپتال اٹی دوئی طبی ازباب آتا خیالداری و فعالیت ءِ پک کننگک اوپی ڈی سسٹم ءِ گچین کننگ کن (رجسٹریشن ڈیسک یعنی اوپی ڈی سلپ و ڈیٹاریکارڈ نگ نا وڑوڈول ءِ فعال کننگک، داہیت ءِ پک کننگک کہ درمان کن بروک آ مریض آتے جوان خیالداری مننگ کے بنداوی، ہلہلہ ئی و خصوصی دیکھ بھال کن المی دوائی تا جوان کچ اٹ دوئی ءِ پک کننگک۔