اسلام آباد ۔ 27 ستمبر (اے پی پی) اسپیکر قومی اسمبلی و مسکوہی وزیراعظم راجہ پرویز اشرف پارینے کہ پاکستان اٹ قدرتی حسن و تاریخی ہند آتون اوار اوار مذہبی سیل و سوات نا ہم بے شمار وارخواہی ساڑی ءِ۔ ساڑی آ دور اٹی سیل و سوات نا بشخ انا شمار اہم اقتصادی بشخ آتیٹی مریک۔ دنیا نا کیہی ملک آتا زرگزران نا دارومدار سیل و سوات نا بشخ اتون گنڈوک ءِ۔ جہانی یوم سیاحت نا وخت آ تینا کلہو اٹی اوپارے کہ اللہ تعالیٰ پاکستان ءِ بے پناہ قدرتی حسن تسنے، پاکستان ہندی و جہانی سیل و سواتی تا چکار ءِ تینا کنڈا کرفنگ نا پبی لائخی تخک، پاکستان اٹ کوہ پیمائی و مہم جوئی نا گچین وارخواہی ساڑی ءِ۔ پاکستان ءِ ہفت ہزار میٹر آن بڑز 186 مشی آ ٹل والا ملک مننگ نا یکتا اعزاز دوئی ءِ۔ اوپارے کہ ملکی شونداری و شونہالی کن سیل و سوات نا مون آ دننگ المی ءِ، درملکی سیل و سواتی تے پاکستان اٹ سیل و سوات کن اتسا نہادی زرمبادلہ دوئی کننگ مریک اوپارے کہ سیل وسوات نا کمک اٹ چندی دودوربیدہ غاتیان تعلق تخوک آ مخلوق نا اسہ ایلو ءِ سمجھنگ نا موقع ملک۔
