اسلام آباد۔ 27 ستمبر (اے پی پی) چین پاکستان تون اوار 60 ملک آتیٹی نیزگاری ٹی کمتی نا بارواٹی کڑد اداکرے، دنیانا غٹ آن بھلا پدتموک ملک و گلوبل ساؤتھ نا باسک انا حیثیت اٹ چین کم و ود 20 جہانی تنظیم آتون کمک کرینے و ایتھوپیا و نائیجیریاتون اوار کم و ود 60ملک آتیٹی نیزگاری ٹی کمتی، غذائی رکھ، انسداد دینی مرض و موسمیاتی بدلی تون اوار ایلو بشخ آتیٹی 130 آن زیات ڈٹ آتیاعملدرآمد کرینے۔ چارشنبے نادے آ چائنہ میڈیا گروپ نا اسہ رپورٹ اسےٹی پاننگانے کہ دا ڈٹ آتیان 30 ملین آن زیات بندغ فائدہ ہرفینو۔ ورلڈ بینک انا کنڈآن جاری کروک اسہ رپورٹ اسے نا رداٹ بیلٹ اینڈ روڈ انیشی ایٹیو ان ہلیس گلوبل ڈیولپمنٹ انیشی ایٹیو، گلوبل سیکورٹی انیشی ایٹیو و گلوبل سولائزیشن انیشی ایٹیو اسکان، چین بنی نو انسان نا ہم نصیب راج انا جوڑ کننگ نا تصور ءِ پدریسہ مون آ درینے، ہراڑان دنیا ءِ بھاز فائدہ دوئی مسنے۔
