اسلام آباد۔ 27 ستمبر (اے پی پی) روشن ڈیجیٹل اکاؤنٹ آتا کمک اٹ سمندر پارپاکستانی تا زرراہی تس نا کچ 6.617 ارب ڈالر آن گدرینگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ اگست نا تُو اٹی روشن ڈیجیٹل اکاؤنٹ نا کمک اٹ سمندر پار پاکستانیک 130 ملین ڈالر نا زرمبادلہ ملک آ مون تسر اوکان پد ستمبر 2020آن ہلیس داتم اسکان دااکاؤنٹ آتا کمک اٹ سمندرپار پاکستانی تا زرراہی تس نا کچ 6.617 ارب ڈالر آن گدرینگانے۔ ہندا وڑ روشن ڈیجیٹل اکاؤنٹ آتا کمک اٹ سمندر پار پاکستانی تا زرکاری نا کچ 733 ملین ڈالر آن گدرینگانے۔ سمندر پار پاکستانیک داتم اسکان روایتی پوسکن آ پاکستان سرٹیفکیٹ آتیٹی 320 ملین ڈالر، اسلامی نیاپاکستان سرٹیفکیٹ آتیٹی 395 ملین ڈالر و پاکستان اسٹاک ایکسچینج اٹی 18 ملین ڈالر نا زرکاری کرینے۔
