اسلام آباد۔ 27 ستمبر (اے پی پی) پاکستانی کرنسی ڈالر نامقابلہ ٹی ستمبر اٹی دنیا نا گچین کارکڑد والا کرنسی نا اعزاز ءِ دوئی کرینے۔ بلوم برگ و اسٹیٹ بینک انا کنڈآن تروک آ حساب وکتاب نا رداٹ امریکی ڈالر نا مقابلہ ٹی ستمبر اٹی پاکستانی کرنسی نا قدر اٹی 5.4 درسد نا نموریکارڈ کننگا ہرا مچ آ دنیا ٹی امریکی ڈالر نا مقابلہ ٹی غٹ آن زیات ءِ۔ 31 اگست آ امریکی ڈالر نا مقابلہ ٹی پاکستانی کرنسی نا قدر 305.54 روپئی ریکارڈ کننگا ہرا 26 ستمبر آ 289.80 روپئی مس۔ دافہرست اٹی کولمبیا نا کرنسی ارٹ میکو و موریشیس نا کرنسی مسٹ میکو نمبرآ ئس۔ کولمبیا نا کرنسی نا قدر اٹی ستمبراٹی ڈالر نا مقابلہ ٹی 0.8 درسد نا ودکی ریکارڈ کننگا، ہندا وڑ موریشیس نا کرنسی نا قدر اٹی تدوک آ اسہ تُو اٹی 0.5 درسد نا کچ آن نمو مون آ بسنے۔
