کوئٹہ۔ 27 ستمبر (اے پی پی) بلوچستان نا غٹ ضلع غاتیٹی میڈیکو لیگل سروسز نا ریفارم کن ڈٹ اس جوڑ کننگانے دا ڈٹ بی ایم سی ایچ کوئٹہ ٹی ڈاکٹر سمیع اللہ کاکڑ ناکماشی ٹی میڈیکل ریفارمز کمیٹی نا دیوان اٹی مرتب کننگا، دیوان اٹی صوبہ نا غٹ میڈیکل کالج آتا فرانزک میڈیسن نا بشخ آتا سروک آتون اوار اوار بی ایم سی ایچ و ایس پی ایچ نا یڈیکل سپرنٹنڈنٹس و ڈائریکٹر ٹیکنیکل، محکمہ جان جوڑی بلوچستان ہم خصوصی وڑاٹ بشخ ہلک۔ دیوان اٹی گونڈ مدتی حکمت عملی ٹی ، خڑکی میڈیکل کالج آتا تعلقدار فرانزک ڈیپارٹمنٹ آتیٹی پوسکن تعینات مروک آ میڈیکو لوگل آفیسرز(MLOs)و پولیس سرجن تے تربیت تننگ نا فیصلہ کننگانے، 8 آن 9 ضلع غاتا ایم ایل او تینا خڑکی میڈیکل کالج اٹ بنداوی تربیت دوئی کیک دانا مسخت آخبت خڑک اٹ ڈویژنل ہیڈ کوارٹرز اٹی پوسٹ مارٹم نا اڈتننگ ءِ پک کننگ ءِ، و دانا گڈیکو مسخت صوبہ نا تہہ ٹی ہرضلع نا ڈسٹرکٹ ہیڈ کوارٹرز (DHQs)اٹی پوسٹ مارٹم نا آسراتی تا فراوانی ءِ وخت اس کہ مریس مدتی حکمت عملی نا رداٹ ، میڈیکل آفیسر آتا اسہ پول اسے نا گچین کاری ءِ کننگک و اودے صوبہ خیبرپختونخوا ٹی اِراسال انا پوسٹ گریجویٹ ہیلکاری کورس اکن گدریفنگک حکومت دا کورس ءِ پین پرکشش کننگ کن دا ٹرینی تے پرکشش معاوضہ ہم ایتک و ترغیب ہم ترفک، داکان بیدس، میڈیکو لیگل سروسز کن اسہ جتا کیڈراس جوڑ کننگ نا سلاہ غا ہم شرہ مس تانکہ دا MLOsنا میڈیکو لیگل سروسز تون آخبتی تعلقداری ءِ پک کننگ مرے و اودے تربیت دوئی کننگ و سرکاری وسیلہ غاتے کاریم اٹ اتنگ آن پد MLSءِ ہلنگ آن توننگ مرے، فارنسک میڈیسن نا بشخ آتا سروک (HODs)ءِ اسہ ہفتہ نا تہہ ٹی شارٹ ٹرم نا تربیت کن نصاب تیار کننگ نا کاریم ءِ تننگانے کہ او اسہ ہفتہ نا تہہ ٹی تینا تیاری تے پورو کے و اکتوبر نا اولیکو ہفتہ ٹی ٹریننگ نا بناءِ کرفر و کمیٹی نا بروک آ میٹنگ 2 اکتوبر آ مریک۔
