لندن۔ 26 ستمبر (اے پی پی) نگران وزیراعظم انوارالحق کاکڑ تون برطانیہ نا وزیرخارجہ جیمز کلیورلی اوڑدہی کرے۔ اوڑدہی ٹی گپ وتران اٹی تین پہ تینی است خواہی نا غٹ بشخ بشمول کثیر جہتی ہڑتوم آکنڈآتا تعلقداری و پی آئی اے نا جہاز آتابحالی آ چکار کننگا۔ دوشنبے نادے وزیراعظم آفس نا میڈیا ونگ آن جاری کروک بیان نا رداٹ ہڑتوم آ فریق آک تین پہ تینی فائدہ نا غٹ …
نگران وزیراعظم انوارالحق کاکڑ تون برطانیہ نا وزیرخارجہ جیمز کلیورلی نااوڑدہی
گیشتریں ھال
لندن۔ 26 ستمبر (اے پی پی) نگران وزیراعظم انوارالحق کاکڑ تون برطانیہ نا وزیرخارجہ جیمز کلیورلی اوڑدہی کرے۔ اوڑدہی ٹی گپ وتران اٹی تین پہ تینی است خواہی نا غٹ بشخ بشمول کثیر جہتی ہڑتوم آکنڈآتا تعلقداری و پی آئی اے نا جہاز آتابحالی آ چکار کننگا۔ دوشنبے نادے وزیراعظم آفس نا میڈیا ونگ آن جاری کروک بیان نا رداٹ ہڑتوم آ فریق آک تین پہ تینی فائدہ نا غٹ بشخ آتیا تالان تعلقداریءِ مون آ دننگ نا گرج آ امنا کریر۔ فریق آک ہڑتوم آ ملک آتا نیام اٹ خڑکی و تاریخی تعلقداری تے سوگو کننگ اٹ 16 لکھ برطانوی نژاد پاکستانی تاتعمیری کڑد انا ستاءِ کریر۔ برطانوی وزیرخارجہ اوغانی تا مہمانداری و اوفتا آبادکاری کن پاکستان نامخ تفی نا ستاءِ کرے۔ وزیراعظم برطانیہ ءِ دورہ ءِ پاکستان نا سلہ خلک ہراڑا او خوشی نا درشانی ءِ کرے۔
