اسلام آباد پولیس ءِ پوسکن آ تکنیکی لائخی تیان شُپ کننگک، نگران وزیر داخلہ سرفراز بگٹی

اسلام آباد۔ 26 ستمبر (اے پی پی) نگران وزیرداخلہ سرفراز بگٹی پارینے کہ شہید آک ننا نہادی میرات ءُ ہرافک تینا اینو ءِ ننا پگہ غا قربان کریر، اسلام آباد پولیس ءِ پوسکن آتکنیکی لائخی تیان شپ کننگک، ریاست نا بالادستی ءِ ہرحال اٹ برقرارتخنگک۔ داخیال آتا درشانی ءِ او سے شنبے نادے آ اسلام آباد پولیس لائن ہیڈ کوارٹر نا دورہ نا وخت آ کرے۔ داوخت آ سیکرٹری داخلہ آفتاب اکبر درانی، آئی سی سی پی او ڈاکٹر اکبر ناصر خان ئسک بخیرکریر۔ وزیرداخلہ یات گار شہداآ حاضری تس، پھل شاغا، و دعاپاتیاکرے۔ وزیرداخلہ سینٹرل پولیس آفس نا دورہ ءِ کرے و زالبول ڈرائیونگ سینٹر نا ہم بنا ءِ کرے۔ داوخت آ وزیرداخلہ ءِ آفیسر آتون اوڑدہی ٹی سرجم حوال تننگا۔ آئی سی سی پی او وزارت داخلہ نا ہر کہول آ اسلام آباد پولیس تون کمکاری آ منت واری  ءِ ہرفے۔ آئی سی سی پی اووزیرداخلہ ءِ اسلام آباد پولیس نا سرسہبی و گام گیج آتا بابت معلومدار کرے۔ آئی سی سی پی او اسلام آباد اٹی ڈوہ انا بابت ہم حوال تس و پارے کہ برجاسال تدوک آ سا ل انا نسبت کرائم اٹی کمتی مسنے۔ اسلام آباد پولیس منشیات نا برخلاف پبی مہم اس چلیفنگ ءِ۔ غیرکانودی رہینگوک آ درملکی تا ملک بدری نا پلان آ شرہ کننگا۔ وزیرداخلہ اسلام آباد پولیس ءِ تدوک آ سال اسلام آباد اٹی امن و عامہ نا حالیت آتے پرامن وڑاٹ سرتننگ آ شاباشی تس۔ غٹ آفیسر آک جوانمردی و است اٹ تینا فرض ءِ سرایتر۔ ریاست نا بالادستی ءِ ہرحال اٹ قائم تخنگک۔ غٹ آفیسر آک شاری تتون جوانی اٹ پیش بریر و اوفتا ویل آتے ایسر کیر۔