نگراں بنجائی وزیر حوالکاری مرتضیٰ سولنگی و روس انا نائب وزیر حوالکاری نا نیام اٹ اوڑدہی

نانجنگ، چین۔ 26 ستمبر (اے پی پی) نگران بنجائی وزیر حوالکاری و شینکاری مرتضیٰ سولنگی تون سے شنبے نادے آ داڑے روسی نائب وزیر حوالکاری بیلاچریکسووا اوڑدہی کرے۔ اوڑدہی ٹی پاکستان و روس انا میڈیا نا بشخ آتیٹی کمکاری ءِ مون آ دننگ نا عزم انا درشانی ءِ کننگا۔ نگران بنجائی وزیر حوالکاری مرتضیٰ سولنگی روس اتون اسیجائی پروڈکشن و ہیلکاری پروگرام تا بناغا زور شاغا۔ مرتضیٰ سولنگی روسی نائب وزیر حوالکاری ءِ پاکستان نا دورہ ءِ کننگ نا سلہ ہم خلک ہرادے او امناکرے۔ داوخت آ روسی نائب وزیرحوالکاری پارے کہ روس پاکستان تون میڈیا آن بیدس ہم ایلو زند انا بشخ آتیٹی کمکاری نا خواہندار ءِ۔ اوپارے کہ روس اٹی پاکستانی راگ آتے خاص مقبولیت دوئی ءِ۔ اوڑدہی ٹی ہڑتوم آ ملک آتا نیام اٹ راگ و ایلوپروڈکشن نا تبادلہ غا ہم سجفنگا۔ نگران بنجائی وزیر مرتضیٰ سولنگی ڈیہہ انا امن کن روس انا خذمت آتا ستاءِ کرے۔