اسلام آباد۔ 26 ستمبر (اے پی پی) بنجائی سیکرٹری جان جوڑی افتخار شلوانی پارینے کہ پاکستان اٹ برجاسال اِرا پولیو کیس و 27 مثبت چاگڑدی وڑرپورٹ مسنے، ملک اٹی 2 اکتوبر آن قومی انسداد پولیو مہم بناکننگ ءِ۔ سے شنبے نادے آ وزارت جان جوڑی آن جاری بیان نا رداٹ افتخار شلوانی پارے کہ ملک اٹی ہراڑے کہ دین خننگا ہموڑے پاکستان پولیو پروگرام داتم اسکان کیہی موثر مہم تا بناءِ کرینے و آخبت ہم کرسا کیک۔ اوپارے کہ نن اسہ قوم اسے آنبار پولیو آن پاک پاکستان کن سنبرینگوک اُن تانکہ ننا چناتے دا ناجوڑی آن رکھ تون زند اسے نا تیر کننگ نا موقع ملے۔ بنجائی سیکرٹری پارے کہ مچ آ ملک اٹی 2 اکتوبر آن قومی انسداد پولیو مہم بناکننگ ءِ ہراٹی 4 کروڑ آن زیات چناتے پولیو ویکسین تننگک۔ اونا پاننگ ئس کہ کراچی و ہنگو نا چاگڑدی وڑتیٹی پولیو دین پک مسنے۔
