اسلام آباد۔ 26 ستمبر (اے پی پی) پاکستان پولیو پروگرام نا سینئر میڈیا منیجر ذوالفقار علی باباخیل پارینے کہ پولیو اسہ لاعلاج ءُ ناجوڑی اسے، پولیو تور مہم اٹی زیات آن زیات بشخ ہلنگ ننا غٹ انا قومی فرض ءِ ۔ سے شنبے نادے آ تینا بیان اٹی اوپارے کہ پولیو اسہ لاعلاج ءُ ناجوڑی اسے ہراڑآن 5 سال اسکان نا وئی ان چناتے غٹ آن زیات خطرہ ءِ۔ اوپارے کہ دادین آن چناک مچ آ وئی کن معذور مننگ کیرہ، حتی کہ گڑاس کیس آتیٹی چناتامرک ہم واقع مننگ کیک۔ اوپارے کہ 5 سال آن کم وئی نا غٹ چناتے دا موذی مرض آن پولیو آن بچفنگ نا پڑی کنفسا بچفنگ مریک۔ اوپارے کہ چندی وار پولیو آن بچفنگ نا پڑی کنفنگ آن دنیا نا غٹ ملک آک پولیو آن پاک مسنو وخت اس کہ پاکستان و اوغانستان ہمو اسٹ انگا ملک آک رہینگانو ہراڑے پولیو داسہ ہم چناتیکن خطرہ اسے۔
