اسلام آباد۔ 26 ستمبر (اے پی پی) نگران وزیرداخلہ سرفراز احمد بگٹی پارینے کہ نگران حکومت نا ہچ ءُ سیاسی ایجنڈااس اف،وطن آ پدی بننگ آ نواز شریف تون کانود نا رداٹ سلوک کننگک۔ سے شنبے نادے آ نواز شریف نا دزگیری آ بیان نا بابت وضاحت کرسا اوپارے کہ بیان ءِ تینے آن سٹی سیاسی رنگ تننگا۔ نگران حکومت نا ہچ ءُ سیاسی ایجنڈااس اف، داہیت ستاکڑزک کہ نواز شریف پاکستان نا سیاست اٹ پدی بننگ خواہک، اوپارے کہ پاکستان نا الس نا اسہ بھلو بشخ اس اودے بخیر کننگ نا تیاری تیٹی مشغول ءُ، وطن آ پدی بننگ آ نواز شریف تون کانود نا رداٹ سلوک کننگک، وزیرداخلہ پارے کہ چہ میگوئی و مفروضہ غاتیان پیشن پیش تمسا باندات آتے حقیقت ناآدینک اٹ ہروئی مریک۔ نگران حکومت تینا مینڈیٹ نا رداٹ کاریم کیک۔
