اسلام آباد۔ 26 ستمبر (اے پی پی) پاکستان اٹ انرجی چائنہ انٹرنیشنل نا منیجنگ ڈائریکٹر وانگ ہوئی ہوا پارینے کہ چین پاکستان اقتصادی راہداری ڈٹ انا رداٹ 884 میگاواٹ سکھی کناری ہائیڈل پاور ڈٹ آ کاریم ترندی اٹ برجاءِ، داڑان دریائے کنہار اٹی 1.963 بلین ڈالرنا زرکاری آن 4250 روزگار نا وارخواہی ودی مسنے۔ اے پی پی تون خصوصی گپ وتران کرسا اوپارے کہ سکھی کناری ہائیڈل پاور ڈٹ 2023نا ایسر یا 2024 نا نیام اسکان پورو مننگ نا اومیت ءِ۔ ڈٹ انا پاور ہاؤس و ریزروائرنا بشخ پوروی نا برزکو ریسہ غاتیٹی ءِ۔
