اسلام آباد۔ 26 ستمبر (اے پی پی) ترجمان سول ایوی ایشن پارینے کہ گڑاس میڈیا پلیٹ فارم بشمول سوشل میڈیا غا ڈائریکٹر ثمیر سعیدنا عہدہ ءِ غلط نوشتہ کننگ ءُ۔ پی سی اے اے محکمانہ تقسیم کمیٹی لسٹ اٹ ثمیر سعید درست وڑاٹ ڈائریکٹر سول ایویشن ٹریننگ انسٹیٹیوٹ (کاٹی ) درج ءِ۔ سے شنبے نادے آتینا اسہ بیان اسے ٹی اوپارے کہ گڑاس نوشت آتیٹی ثمیر سعید ءِ غلط وڑاٹ ڈائریکٹر ایویشن سیکورٹی نوشتہ کننگانے۔ پی سی اے اے ڈائریکٹرایویشن سیکورٹی ایئر کموڈور(ر) شاہد قادر ءِ ہرادا محکمانہ تقسیم کمیٹی نا حصہ اف۔ ترجمان مستی پارے کہ تعلقدار میڈیا پلیٹ فارم آن خواست ءِ کہ ثمیر سعیدءِ ڈائریکٹر سول ایویشن ٹریننگ انسٹیٹیوت نوشتہ کیر ناکہ ڈائریکٹرایویشن سیکورٹی۔
