کوئٹہ۔ 26 ستمبر (اے پی پی)نگران وزیراعلیٰ بلوچستان میر علی مردان خان ڈومکی پارینے کہ بلوچستان نا پائیدار شونداری تعلیم و پوسکن آ کسبکاری نا تربیت تون وابستہ ءِ صوبہ ٹی تعلیمی شونداری و شرح خواندگی ٹی ودکی کن سد دے ئی ایکشن پلان گونڈ مد اٹی گچین نتیجہ غاتا حامل جوڑ مریک، داخیال آتا درشانی ءِ او سے شنبے نادے آ جی ڈی اے اسکول گوادر نا دورہ ءِ …
بلوچستان نا پائیدار شونداری تعلیم و پوسکن آ کسبکاری نا تربیت تون وابستہ ءِ، نگران وزیراعلیٰ بلوچستان
گیشتریں ھال
کوئٹہ۔ 26 ستمبر (اے پی پی)نگران وزیراعلیٰ بلوچستان میر علی مردان خان ڈومکی پارینے کہ بلوچستان نا پائیدار شونداری تعلیم و پوسکن آ کسبکاری نا تربیت تون وابستہ ءِ صوبہ ٹی تعلیمی شونداری و شرح خواندگی ٹی ودکی کن سد دے ئی ایکشن پلان گونڈ مد اٹی گچین نتیجہ غاتا حامل جوڑ مریک، داخیال آتا درشانی ءِ او سے شنبے نادے آ جی ڈی اے اسکول گوادر نا دورہ ءِ کننگ نا وخت آ گپ وتران کرسا کرے۔ نگران وزیراعلیٰ میر علی مردان خان ڈومکی اسکول نا چندی کلاس روم تیا ہنا خوان و خوانفنگ نا جاچ ءِ ہلک و اسکول اٹی تروک آ آسراتی تا معائنہ ءِ کرے نگران وزیراعلیٰ میر علی مردان خان ڈومکی جی ڈی اے اسکول نا پرائمری سیکشن نا پوسکن آماڑی نا بناءِ ہم کرے داوخت آ چیف انجینئر حاجی سید محمد نگران وزیراعلیٰ بلوچستان ءِ سرجم حوال تس نگران وزیراعلیٰ بلوچستان میر علی مردان خان ڈومکی جی ڈی اسکول اٹی تعلیم و خوان نا جم چاگڑد آ است جمی نا درشانی ءِ کرسا صوبائی حکومت نا کنڈآن ہر ممکن کمکاری نا باوری کرفے نگران وزیراعلیٰ بلوچستان اسکول اٹی یاتگاری نیال اس ہم خلک داوخت آ نگران صوبائی وزیر حوالکاری جان اچکزئی تون اوار ایلو کمامدارآک ہم اوڑتون اوار ئسر۔
