کوئٹہ۔ 26 ستمبر (اے پی پی)نگران وزیراعلیٰ بلوچستان میر علی مردان خان ڈومکی سے شنبے نادے آ ادارہ شونداری گوادر اٹی جوڑ انڈس ہسپتال نا دورہ ءِ کرے و داوخت آ نگران وزیراعلیٰ ہسپتال نا ایمرجنسی ڈیپارٹمنٹ ، اوپی ڈی و لیبارٹری تون اوار چندی بشخ آتا معائنہ ءِ کرے و ہسپتال اٹی سفائی نا حالیت و ناجوڑ آتے تروک آ آسراتی تا جاچ ءِ ہلک نگران وزیراعلیٰ پارت کرے کہ ہسپتال اٹی بروک آ ناجوڑ آتے ہرممکن طبی آسراتی فراوان کننگے، نگران وزیراعلیٰ ءِ انڈس ہسپتال نا ایچ او سی برگیڈیئر ڈاکٹر آفتاب ہسپتال نا بابت حوال تس داوخت آ نگران صوبائی وزیر حوالکاری جان اچکزئی ایڈیشنل چیف سیکرٹری حافظ عبدالباسط، ادارہ شونداری گوادر نا ڈائریکٹر جنرل مجیب الرحمان قمبرانی کمشنر مکران ڈویژن سعید احمد عمرانی، ڈپٹی کمشنر گوادر اورنگزیب بادینی ، اسسٹنٹ کمشنر محمد نوید عالم، تون اوار ایلو کمامدارآک ہم اوڑتون اوار ئسر، نگران وزیراعلیٰ ناجوڑ آتے تروک آ طبی آسراتی تا جاچ ءِ ہلک اوپارے کہ حکومت ہسپتال اٹ ناجوڑ آتے مفت طبی درمان نا فراوانی کن بھلو فنڈ اس فراوان کننگ ءِ ہرانا مسخت شاری تے جان جوڑی نا گچین و آب اٹ آسراتی تا پک کننگ ءِ۔ حکومت نا کنڈآن جان جوڑی نا آسراتی تیٹی خاطرخواہ ودکی آن پد سرکاری ہسپتال آتیا لس بندغ نا پت زیات مسنے نگران وزیراعلیٰ میر علی مردان خان ڈومکی پارے کہ ناجوڑ آتا درمان کن دوائی تا دستیابی و لیبارٹری ٹیسٹ اٹ ڈیوالئی ءِ سگنگ پننگک۔ وزیراعلیٰ بلوچستان انڈس ہسپتال اٹ چناتا ایمرجنسی وارڈ انا ہم بناءِ کرے۔
