حب۔ 26 ستمبر (اے پی پی) ضلع لسبیلہ نا صدر مقام تحصیل اوتھل اٹی پیغمبر اسلام رحمت اللعالمین سرور کائنات ﷺنا یوم ولادت جشن عئید میلادالنبی ﷺ نا رداٹ ریگستان اٹی اُوچ آتیا سُوار مرسا میلادالنبی ﷺ جلوس اس اڈتننگا۔ جلو س اٹی بھلو کچ اسے ٹی مخلوق بشخ ہلک۔ ریگستان اٹی ہرسویارسول اللہ ﷺ نا نعرہ غاتے اٹ توار پنا۔ پیغمبر اسلام سرور کائنات خواجہ محمد ﷺ نا یوم ولادت نا چرجوئی ٹی اولیکو وار وٹہ نا ریگستان اٹی علاقہ والا تا کنڈآن اوچ آتیا سُوار مرسا کشنگانے، جلوس اٹی بشخ ہلوک آک  ساہدار تے سوز جھنڈی تے اٹ برامی آنبار بیرفسا جلوس اٹی بشخ ہلکر۔ داوخت آ بشخ ہلوک آک تینا دوتیٹی سوز جھنڈی و بینرہرفیسر۔ دعوت اسلامی نا کنڈآن اڈ ہلوک آ جلوس اٹی بشخ ہلوک آتیان تران کرسا مولانا محمد شاہد عطاری مولانا لیاقت عطاری ئسک پیغمبر اسلام سرور کائنات ﷺنا تعلیمات آتے مون آتخار۔

متعلقہ مضامینمصنف کی طرف سے مزید