لندن ۔25ستمبر (اے پی پی): ادارکی مزن وزیر انوار الحق کاکڑ ءَ گوشتگ کہ میاں اوستمانی بینک، ایشیائی دیمروئی بینک ءُ دوستیں ملک آنی نیمگ ءَ زر ءِ پجاری ءَ ھوار پازیٹیو ٹک آں گران بھائی ءِ تہ ءَ کمی، زر امبار آناں برجم ءُ صنعتی دیمروئی ءِ برجائیءَ ارزشتی ایں کرد پیلو کتگ، ادارکی حکومت ءَ استیں انتظامی گامگیج آں پاکستانی کلدار ءَ را امریکی دالر ءِ مقابلہ ءَ مھکم کتگ۔ دو شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ ادارکی مزن وزیر ءَ گوں لندن ءِ کیپٹل ءُ فنانشل مارکیٹ ءِ کلانہ ایں سروک آں پاکستان گس لندن ءَ گند ءُ نند کت۔ گند ءُ نند کنوکیں جوانیں سرمایہ کاری کنوکیں فرم ءُ فیلڈ یلٹی انٹرنیشنل لمیٹڈ ایف آئی ایل، النگٹن منیجمنٹ، اشمور، جیفریز انٹرنیشنل، ریڈ ویل کیپٹل، سویٹیکس انڈسٹریل ایس اے، آکسفورڈ فرنٹیئر کیپٹل، گارنٹکو، جے پی مورگن، کالراک کیپٹل ءُ یو بی ایل (یوکے) ءِ نمائندگ ھوار اتنت۔ مزن وزیر ءَ ڈل ءَ را پاکستان ءِ استیں معاشی جاور ھال آنی بابت ءَ سرپد کنان ءَ ڈنی کھاتہ آنی گہتری ءِ واستہ حکومتی گامگیج آنی سر ءَ چمشانک دات۔
