راولپنڈی۔25ستمبر (اے پی پی):چیف آف آرمی سٹاف جنرل سیّد عاصم منیر ءَ گوں ناظم / صدر بشپ (چرچ آف پاکستان ءُ بشپ آف رائیونڈ) ڈاکٹر آزات مارشل ءَ عیسائی برات آنی 13 باسکی ڈل ءِ ھمبراھی ۓَ ادا جی ایچ کیو ءَ گند ءُ نند کت۔ گند ءُ نند ءَ نیک راہ آنی وت مہ وتی نزیکیں ءُ واھگی کار آنی بابت ءَ ھیال ریچی کنگ بوت۔ پاک فوج ءِ شوبگ آئی ایس پی آر ءِ رد ءَ چیف ءَ راجی دیمروئی ءَ پاکستانی کرسچن کمیونٹی ءِ ازمت آناں ساڑات ءُ جوانیں وانگ ءُ زانگ، جان سلامتی ءِ چار ءُ گزار ءُ بنی آدم دوستی ءِ ازمت آنی دیمروئیءُ ماتیں وطن ءِ دیمپانی ءِ واستہ آئیءِ نیمگ ءَ چہ کتگیں جوانیں کرد آناں ساڑات۔ آئیءَ عیسائی برات آنی واستہ جہلانکیں شرپ ءُ ازت ءِ درشان کت ءُ یک مشتی ءُ دیمروئی دوستیں پاکستانی ءِ واستہ رھشون ءِ گواچنی وژن ءِ پد ءُ رند کنگ ءِ واستہ چاگرد ءَ نیک راھی آنی وت مہ وتی نزیکی ءُ یکوئیءِ دیمروئی دیگ دیگ ءِ ضلورت ءِ سر ءَ زور پر دات۔ آرمی چیف ءَ اے گپ ءِ سر ءَ زور پر داست کہ اسلام ایمنی ءِ نیک راھ انت ءُ اسلام چاگرد ءَ سگ ءُ اوپار کشی نہ کنگ ءُ ناشرکاری ءِ گنجاشک نیست انت۔ جوانیں چاگرد ءَ اچ کس ءَ را کانود ءَ را وتی دستاں لگت مال کنگ ءِ موہ نیست انت۔ آرمی چیف ءَ گوشت کہ اے گامگیج ءَ را پاکستانی درئی نیک راھ ءَ گوں سیادی داروکیں مردم آنی واستہ یک جنزےءِ رد ءَ ساڑا کنگ بوتگ ءُ آ راج ءِ جوڑیشت ءَ گیشاں چہ گیش برجائیں بھر ءِ بہ زور انت ءُ یک مھکمیں ءُ ساپ ءُ سلہ ایں چاگرد ءَ وتی دل یکیمی آناں برجا بکن اَنت۔
