اسلام آباد۔ 25 ستمبر (اے پی پی) اسپیکر قومی اسمبلی راجہ پرویز اشرف پارینے کہ اخبار آک الس اٹ شعور نابیداری و راج اٹ جمہوری قدرانا مون آ دننگ کن ناقابل فراموش کڑدادا کرینو۔ دوشنبے نادے آ اخباربینی نا قومی دےآ تینا کلہو اٹی اواخباربینی نا قومی دے انا وخت آ اے پی این ایس، ایڈیٹرز، پرنٹ میڈیا تون وابستہ صحافی، اخباری عملہ ءِ مبارکبادی ترسا پارے کہ آل پاکستان نیوز پیپرز سوسائٹی نا کنڈآن اخبار بینی نا قومی دے انا اڈتننگ ستاکڑزک۔ اوپارےکہ پاکستان نا آبادی نا بھلو بشخ اس ورناتیاتالان ءِ، اخبار بینی نا قومی دے انا اڈتننگ ورناچین اٹ اخبار تا اہمیت و فائدہ غاتے تالان کننگ اٹ اہم پیش رفت ثابت مریک ، الیکٹرانک و ڈیجیٹل میڈیا نا شونداری آن پد ہم اخبار آک تینا خوانوک آتے راجی و زرگزرانی ویل آتیان آگاہی و مستند خبرآتا فراوانی نامتبر ذریعہ ءُ۔ راجہ پرویز اشرف پارے کہ فیک نیوز نا دا دوراٹی اخبارآک راستکی آ تالان خبر و بے لاگ جاچکاری تے الس اسکان سرکننگ نا اہم ذریعہ ءُ، ایلو میڈیانا ساڑی گری آن پد ہم اینو اخبار آتا قارئین تا بھلو کچ اس ساڑی ءِ و ملک انا طول و عرض اٹی اخبار آتے ذوق و شوق اٹ خواننگک۔ اوپارے کہ اخبار بینی نا عادت انسان نا نقطہ نظر ءِ گیشتر و اونا علم اٹی ودکی کیک۔
