اسلام آباد۔ 25 ستمبر (اے پی پی) کل جماعتی حریت کانفرنس آزاد جموں وکشمیر و پاکستان نا جنرل سیکرٹری شیخ عبدالمتین پارینے کہ کشمیر نا جھیڑہ اقتدار نا جنگ انا آخا بلکن کشمیری تا غیرکانودی بھارتی کوزہ غان آجوئی نا ویل ءِ۔ بھارتی فوجی تا دوتے اٹ کشمیری تا نسل کشی، غیرکانودی حراست ، زالبول آتا بے شرفی و اُرا و ایلو ملکیت آتا توڑ پھوڑ نا مذمت ءِ کننگا کشمیری الس تینا ودی ئی حق ، حق خودارادیت کن بھلو قربانی اس تننگ ءُ و او مسخت نا دوئی کننگ اسکان تینا جہد ءِ برجاتخرہ۔ داڑے جاری بیان اٹی اوپارے کہ کل جماعتی حریت کانفرنس کشمیر نا آجوئی پسند الس نا توار نا نمائندگی ءِ کیک و او بھارتی جور و استبداد آن پد ہم برجاتحریک آجوئی ءِ اونا ایسر اسکان سرکننگ کن سنبرینگوک ءِ۔ مقبوضہ علاقہ نا مسلم گیشتری کڑد ءِ بدل کننگ نا تینا ناپاک عزم ءِ پورو کننگ کن بھارتی فسطائی حکومت نا کنڈآن 5 اگست 2019 آن مسلط کروک آ بدترین فوجی گھیڑ انا ہم ترندی اٹ مذمت ءِ کننگا۔ کشمیر نا شہید آتے شاندار خراج عقیدت پیش کننگا وبھارتی زندان ، عقوبت خانہ غاتیٹی غیرکانودی وڑاٹ نظربند حریت راہشون، کارندہ و ورناتا عزم و ہمت نا ستا ءِ کننگا۔
