یونائیٹڈ  نیشن ءِ جنرل اسمبلی  دیدوان : ادارکی  مزن وزیر انوار الحق  کاکڑ   ءَ  ارزشتی ایں  دمگی ءُ میاں اوستمانی کر آنی ھوالگ ءَ پاکستان  ءِ پن  گپ   جوانیں رنگ ءَ پیش  کت،  میاں اوستمانی سروک  ءُ حکومتی    رھشون   آں  باز  دوست داشتگ

اسلام آباد۔24ستمبر (اے پی پی): ادارکی  مزن وزیر انوار الحق  کاکڑ  ءَ انوں زوتاں  گڈ بوھوکیں نیویارک ءِ پنچ   روچی   تر ءُ تاب ءِ ساھت ءَ  میاں اوستمانی برات آنی دیم ءَ ارزشتی ایں دمگی   ءُ میاں اوستمانی کار آنی پد ءَ پاکستان  ءِ  بن گپ   جوانیں رنگ ءَ پیش  کتگ۔   مزن وزیر ءَ  یونائیٹڈ  نیشن ءِ   78  ھپتاد ءُ ھشتمی  دیوان   ءَ گوں گشتانک  دات ءُ اے موہ ءَ میاں اوستمانی سروک آنی گوما  گند ءُ نند  ھم کتگ۔    مزن وزیر  ءَ یونائیٹڈ  نیشن ءِ  جنرلا سمبلی ءِ   دیوان  ءَ وتی گشتانک ءَ کشمیر، اسلامو فوبیا،  مالی   ڈکالی،  مساوات،  کوویڈ  ءِ  سبب ءَ گران  بھائی، موسمی مٹ ءُ بدلی، اوگانستان ءَ ایمنی،  یونائیٹڈ  نیشن ءِ کرد ءُ    گہتری  کار ءُ  ناشرکاری ءِ جیڈھ  آنی  ھم  ترا ن  کت۔    میاں اوستمانی ادارگ  آنی تہءَ  پاکستان ءِ سروکی  کنوکیں   اولی  ادارکی  مزن وزیر  بوھگ ءِ    بستار ءَ  انوار الحق  کاکڑ    ءَ یو این  جی  اے  ءِ   78 ھپتاد ءُ ھشتمی  دیوان ءِ موہ ءَ  ایرانی  صدر،   یونائیٹڈ  نیشن ءِ سیکرٹری  جنرل ، چینی  نائب  صدر،  ازبکستان  ءِ صدر ءُ جتا جتائیں   مالیاتی  ادارگ آنی سروک آنی گوما   گپ ءُ  تران  ھم کت۔