اسلام آباد۔24ستمبر (اے پی پی):پاک بحریہ ءَ ترکیہ ءِ استنبول شپ یارڈ ءَ برجمیں کمیشننگ مراگش ءَ اولی ملجم جہاز پی این ایس بابر ءَ را زرئی مڈی آنی تہءَ ھوار کتگ۔ یک شمبے ءِ روچ ءَ پاک بحریہ ءِ پریس ریلیز ءَ گوشتگ بوتگ کہ اے مراگش ءَ وزیر ءِ راجی دیمپانی ترکیہ یاسر گلیر ءُ پاکستان ءِ ادارکی وزیر ءِ دیمپان لیفٹیننٹ جنرل (ر) انور علی حیدر ءَ ھاسیں مہمان ءِبستار ءَ بھر زوری کت۔ اے موہءَ گوں گشتانک دیان ءَ ترکیہ ءِ وزیر ءِ دیمپانی ءَ پاکستان ءُ ترکی ءِ براتی ءُ یکوئی آناں دروری نامینت ءُ دیمپانی پیداوار ءِ شوبگ ءَ گیش کمک ءِ امیت آنی بابت ءَ گوشت۔ آءیءَ استنبول نیول شپ یارڈ ءُASFAT ترک فرم ءِ کوشت ءُ جوانیں کار آناں ساڑات۔ آئیءَ ترکیہ ءَ استیں زمین چنڈ ءِ ساھت ءَ کمک کنگ ءِ پد ءَ حکومت ءِ پاکستان ءُ پاک بحریہ ءِ شگر ءُ منت واری گپت ءُ توامیں ٹیمب آںاں اے منصوبگ ءِ کامیاتی ءِ پد ءَ مبارکی دات۔
