اسلام آباد۔22ستمبر (اے پی پی): وزیر ءِ درئی کار جلیل عباس جیلانی ءَ گوشتگ کہ جموں کشمیر ءِ ھوالگ ءَ یونائیٹڈ نیشن ءِ سلامتی کونسل ءِ منوگری آنی پد ءُ رند ءَ دمگی ایمنی ءَ را دل یکیمی جوڑ کنگ ءُ پاکستان ءُ بھارت ءِ نیام ءَ وتاس ءِ گیر ضلوریگیں تگ ءُ تاچ ءِ ھلاسی باز ضلوری انت۔ نیویارک ءَ یونائیٹڈ نیشن ءِ جنرل اسمبلیءِ 78 ھپتاد ءُ ھشتمی دیوان ءِ موہ ءَ “الجزیرہ” ٹی وی ءَ را داتگیں گلگدار ءَ وزیر ءِ درئی کار ءَ گوشتگ کہ اے منوگری آنی پد ءُ رندی نہ بوھگ ءَ چہ پڑ ءَ ایمنی یک شل ءَ آماچ بوھگ ءَانت۔ ایشی ءَ چہ ابید پاکستان ءَ بھارت دوئین آنی دیمروئی ءُ زر باری ایشیائی ملک آنی دمگی کمک آنی ڈل سارک ھم آماچ بوھگ ءَ انت۔ آئی ءَ گوشتکہ یونائیٹڈ نیشن ءِ سلامتی کونسل ءِ منوگری آنی رد ءَ کشمیر پاکستان ءُ بھارت ءِ نیام ءَ درستاں چہ ارزشتی ایں ءُ بنیاتی جیڈھ ات ایشی ءَ چہ کشمیر ءِ واھگ آنی رد ءَ در گیوار کنگ بہ بیت۔ آئی ءَ اے گپ ءِ سر ءَ اپسوزی ءِ درشان کت کہ منوگری ءَ را 70 سال پیسر منظور بوھگ ءَ ابید آوانی پد ءُ رندی نہ بوتگ۔ آئیءَ ٹک ءُ نشان داست کہ کشمیر ءِ چپ ءُ چاگرد ءَانت ءُ آھودا ھپت لکھ ءَ چہ گیش فوجی اوشتاتگ۔ مقبوضہ کشمیر ءَ بنی آدم آناں لگت مال ءُ ڈلگ بوھگ ءَ انت۔ آئیءَ گوشت کہ آ ڈگار بنی آدم آنی ٹوھیں جیل ءِ جوڑ بوتگ۔ آواناں بنیاتی ھک ءَ چہ ز بھر کنگ بوھگ ءَ انت۔ آئی ءَ گوشت کہ پاکستان ءُ بھارت اے کشاں چیل ءِ واستہ جنگ کتگ ءُ اے رد ءَ مدام کشاں چیل آنی وجہ ءُ سبب انت۔ وزیر ءِ درئی کار ءَ گوشت کہ اے یونائیٹڈ نیشن ءِسلامتی کونسل ءِ زمہ واری انت کہ آ وتی منوگری آنی پد ءُ رندی ءَ را دل یکیمی بکنت ایش باز وھد انت کہ مھتلی ءِ آماچ انت۔ آئیءَ یونائیٹڈ نیشن ءِ جنرل اسمبلیءِ دیوان ءِ موہءَ نیویارک ءَ او آئی سی ءِ رابط گروپ برائے فلسطین ءِ دیوان ءَ بھر زوری ءِ تران کت ایشی ءَ چہ فلسطین ءِ الس آنی گوما پاکستان ءِ سرجمیں یکوئیءِ درشان کت۔ آئی ءَ کشمیر ءُ فلسطین ءِ بابت ءَ یونائیٹڈ نیشن ءِ منوگری آناں زوت پد ءُ رند کنائینگ ءِ زور پر دات۔ وزیر ءِ درئی کار جلیل عباس جیلانی ءَ گوشت کہ یونائیٹڈ نیشن ءِ سیکرٹری جنرل ءَ موسمی مٹ ءُ بدلی ءَ چہ پد سک باز کمکار کردف ءِ پیلو کت ءُ پاکستان ءِ واستہ جنیوا کانفرنس ءِ برجائی ءِ شگر ءُ منت واری گپت۔
