اسلام آباد۔ 22 ستمبر (اے پی پی) صدر مملکت ڈاکٹر عارف علوی شہید آتے وطن نا خاطر جان تے ندر کننگ آ خراج عقیدت پیش کرینے۔ ایوان صدر نا پریس ونگ آن جمعہ نادے آ جاری بیان نا رداٹ صدر مملکت 6 ستمبرآ اوستئی پوسٹ کالاش ایریا و جنگریٹ کوہ چترال اٹی جلہو اٹی شہید مروک آپاک فوج انا ورناتا وارث آتون ٹیل فون آ ہڑزخواہی کرسا وطن کن قربانی آ شہید و اوفتا خاہوت آتا قوم انا کنڈآن منت واری ءِ ہرفے۔ صدر مملکت لانس نائیک ذوالفقار علی و سپاہی شہزادہ اورنگزیب نا وارث آتون فون آ است ہسونی نا درشانی ءِ کرے۔ ڈاکٹر عارف علوی لانس نائیک شیرنواز و لانس نائیک شاکر اللہ نا خاہوت آتون ہم رابطہ کرے۔ صدر مملکت شہید آتا خاہوت آتون ہمدردی نا درشانی و اوفتا صبر وجمیل کن دعاکرے۔ صدر مملکت شہید آتا درجہ غاتا بڑزی کن دعاکرے و وطن کن اوفتا خذمت آتا ستا ءِ کرے۔
