اسلام آباد۔ 22 ستمبر (اے پی پی) بنجائی سیکرٹری ہیلتھ افتخار علی شلوانی پارے کہ کوویڈ۔ 19 نا نتیجہ ٹی کروڑآ مخلوق ءِ جان جوڑی نا حق آن محرومی تون مون تروئی تما، قومی ہیلتھ سپورٹ پیکج 2022-26اس جوڑ کننگ اُن۔ داخیال آتا درشانی ءِ او نیویارک اقوام متحدہ ہیڈکوارٹر اٹی یونیورسل ہیلتھ کوریج نا بابت بڑزکو کہولی دیوان اٹی کرے۔ دیوان اٹی بنجائی سیکرٹری ہیلتھ تران کرسا کوویڈ۔ 19 نا سوب آن ہیلتھ سسٹم ءِ مون تروک چیلنج نا احاطہ ءِ کرے۔ اوپارے کہ کوویڈ۔ 19 اٹی کروڑ آ مخلوق ءِ جون جوڑی نا حق آن محرومی تون مون تروئی تما۔ یونیورسل ہیلتھ ننا قومی اولیت آتیٹی اوار ءِ۔ قومی ہیلتھ سپورٹ پیکج 2022-26اس جوڑ کننگ اُن۔ اوپارے کہ پاکستان نا نیشنل ہیلتھ ویژن 2016-25نا اہم ہدف آتیٹی اوار ءِ۔ سیکرٹری ہیلتھ یونیورسل ہیلتھ نا بابت کروک آ گام گیج آتے مون آتخا۔ اوپارے کہ قومی ہیلتھ سپورٹ پیکج 2022-26جوڑ کننگ اُن۔ یونیورسل ہیلتھ کوریج نا بابت اعلامیہ جاری کننگ نا خیرمقدم ءِ کینہ، اومیت کیوہ داڑان جہانی کہول آ قومی کہو ل و علاقائی کہول آ یونیورسل ہیلتھ کوریج نا نفاذ اٹی کمک رسینگک۔
