کوئٹہ۔ 22 ستمبر (اے پی پی) محکمہ گوازی بلوچستان گوازی وگوزی گر آتا شونداری و مون آ دننگ کن دے ونن لگوک ءِ۔ ہندا چرجوئی ٹی وزیرگوازی و دودوربیدہ نوابزادہ جمال رئیسانی اسپیشل اولمپکس ورلڈ سمر گیمز 2023 ہراکہ 12 جون آن 27 جون اسکان جرمنی نا شار برلن اٹی اڈ ہلک اٹی بلوچستان آن تعلق تخوک آ گوازی گر میر وائس خان و محمدسفیان ءِ تدوک آدے نغد انعام تننگا۔ اسپیشل اولمپکس ورلڈ سمر گیمز جرمنی ٹی میر وائس ایتھلیٹکس اٹی 3 ہزار میٹر رُمب اٹی ارٹ میکو پوزیشن دوئی کرے پاکستان کن سلور میڈل اس دوئی کریسس۔ وخت اس کہ محمد سفیان فٹ سال نا ٹیم اٹی گچین ءُ گوازی اس پیش کرے و پاکستان فٹ سال ٹیم گوازی تا دا مقابلہ غاتیٹی ارٹ میکو پوزیشن ءِ دوئی کرے و سلور میڈل اس دوئی کرے۔ وزیر گوازی و دودوربیدہ نوابزادہ جمال رئیسانی ہڑتوم آ گوازی گر آتا است بڈی ءِ کرسا اوفتے تون اوڑدہی کرے و اوفتا دا کوشست نا ستاءِ کرسا اوفتے نغد انعام تس۔ داوخت آ ڈائریکٹر جنرل گوازی دُرا بلوچ و بلوچستان اسپیشل اولمپکس نا ریجنل منیجر و کوآرڈی نیٹر اسپیشل اولمپکس پاکستان فائزہ شبیرئسک ہم ساڑی ئسر۔
