نیویارک۔ 21 ستمبر (اے پی پی) نگران وزیراعظم انوارالحق کاکڑ اقوام متحدہ نا جنرل اسمبلی نا 78 می دیوان نا وخت آ نیویارک اٹی انٹرنیشنل مانیٹری فنڈ (آئی ایم ایف ) نا منیجنگ ڈائریکٹر کرسٹالینا جارجیواتون اوڑدہی کرے۔ وزیراعظم پاکستان نا زرگزران ءِ سیبو تننگ کن آئی ایم ایف نا کنڈآن 3 بلین امریکی ڈالر نا سٹینڈ بائی ایگریمنٹ (ایس بی اے) نا منظوری آ منت واری نا درشانی ءِ کرے۔ اوایم ڈی آئی ایم ایف ءِ حکومت پاکستان نا کنڈآن ملکی زرگزران نا سوگوی و بحالی کن کروک آ چندی گام گیج آتیان معلومدار کرے۔ وزیراعظم پک کرے کہ دا گام گیج آتا مسخت پائیدار اقتصادی شونداری و زرکاری کن اسہ سوگو و سازگار چاگڑد اس ودی کننگ ءِ۔ داکان بیدس راج انا نزور تپہ غاتا رکھ آ پبی چکار کننگانے۔ آئی ایم ایف نا منیجنگ ڈائریکٹر کرسٹالینا جارجیوا زرگزران نا بحالی کن پالیسی و اصلاحات نا نفاذ اٹی پاکستان نا پبی کوشست آتا ستاءِ کرے۔ اوباور کرفے کہ آئی ایم ایف پاکستان تون تعلقداری تے برجاتخنگ کن سنبرینگوک ءِ۔
