اقوام متحدہ۔ 21 ستمبر (اے پی پی) نگراں وزیراعظم انوارالحق کاکڑ جہانی برادری آ زور شاغانے کہ او ایس ڈی جیز سمٹ و خاص وڑاٹ ایس ڈی جیز محرک اٹ کروک آ غٹ قول آتیا عملدرآمد کے۔ چارشنبے نادے آ شونداری کن مالی اعانت، نا باوراٹی اسہ بڑزکوکہولی گپ وتران اسے ٹی وزیراعظم پارے کہ شون ہلوک و پدتموک ملک آتا نیام اٹ بھلا مالیاتی پرخ ءِ ہرسا اوفتے پائیدار شونداری ہدف (ایس ڈی جیز) نا دوئی کننگ کن نجی زرکاری ءِ متحرک کننگ نا گرج ءِ۔ وزیراعظم داہیت آ زور شاغاکہ اقوام متحدہ نا نظام ءِ پدتموک ملک آتیٹی پبلک پرائیویٹ زرکاری نا گمان تا سوب آتے ایسر کننگے، ہراٹی زرکاری نا ڈٹ، سرمایہ نا زیات خڑچ، ریگولیٹری فریم ورک و ایس ڈی جیز نا بابت بینکنگ ڈٹ آک اوار ءُ۔ اواقوام متحدہ نا غٹ دفتر و ایجنسی تا کاریم اٹ اتنگ آ ہم زور شاغا تانکہ پدتموک ملک آتے ایس ڈی جیز نا ڈٹ آتا دوئی کننگ و اوفتیا عملدرآمد اٹ کمک رسینگے۔ اوپارے کہ پدتموک ملک آتے ہم ایس ڈی جیز نا دوئی کننگ کن نجی زرکاری ءِ متحرک کننگ نا گرج ءِ۔ وزیراعظم غٹ اسٹیک ہولڈر آتے اسہ پلیٹ فارم آ یکجا کننگ وپد تموک ملک آتے تینا قومی ڈٹ آتے ترند کننگ نا قابل جوڑ کننگ آ زور شاغا۔
