نیویارک۔ 21 ستمبر (اے پی پی) نگران وزیراعظم انوارالحق کاکڑ پارینے کہ اقوام متحدہ نا کنڈآن جہانی کہول آ اسہ وڑ شونداری کن حکمت عملی اس بایدے جوڑ مرے، پدتموک ملک آتے وام تا ویل آتیان نجات و مالی کمکاری بایدے دوئی مرے، پائیدار شونداری ہدف آتا دیوان اٹی تروک آ یقین دہانی تیا عملدرآمد بایدے مرے۔ نیویارک اٹی جنرل اسمبلی نا دیوان نا وخت آ فنانسنگ فارڈویلپمنٹ شرہ غان تران کرسا اوپارے کہ پاکستان نا کنڈآن دااہم سرحال آ ہیت وگپ نا اڈتننگ آ خراج تحسین پیش کینہ ۔ نن ایس ڈی جیز سروک دیوان اٹی کروک آ قول آتیا المی عملدرآمد کین۔ گرج داہیت انا ءِ کہ نجی بشخ ءِ اوار کرسا ایس ڈی جیز ہدف آتا دوئی کننگ ءِ پک کننگے۔ بدبختی اٹ نجی بشخ انا زرکاری نا بھلو بشخ اس دنیا نا شون ہلوک زرگزران تا کنڈآٹے، وخت اس کہ پدتموک ملک آتیٹی دا زرکاری اف۔ اقوام متحدہ پدتموک ملک آتیٹی نجی بشخ انا کنڈآن زرکاری مفننگ نا سوب آتا توننگ کن گام گیج کے۔ اقوام متحدہ نا چھتری نا کیرغ پبلک پرائیویٹ شریداری نا کچ انا ادارہ اس جوڑ کننگ مریک۔
