اسلام آباد۔ 21 ستمبر (اے پی پی) چیئرمین سینیٹ محمد صادق سنجرانی پارینے کہ چین۔ عرب اسٹیٹس ایکسپو خیال آتا ہل و تس، اسہ ایلو نا آزموندہ غاتیان ہیل کننگ، اختراع، و تین پہ تینی شونداری کن رابطہ غاتا اسہ اہم ءُ ذریعہ اسے، ایکسپو آن ڈیہہ پین شون ہلیک و زرگزرانی شونہالی نا ہم ذریعہ جوڑ مریک، چین و عرب ملک آتون پاکستان نا تعلقداری ننا پائیدار شریداری و پت اناشاہدی ءِ۔ سینیٹ سیکرٹریٹ آن جاری بیان نا رداٹ داخیال آتا درشانی ءِ او ایکسپونا بنائی دود اٹی تینا چلیفوک آ ویڈیو کلہو اٹی کرے۔ چین نا قطبی نیامی وتواجہ علاقہ ننگ شیا نا دارالحکومت ین چوان اٹی چین۔ عرب اسٹیٹس ایکسپو بناکرینے ہرا 21 آن 24 ستمبر اسکان برجاسلک۔ چار دے ئی نمائش اٹی سعودی عرب، موریطانیہ تون اوار 50 آن زیات ملک بشخ ہلنگ اٹی ءُ۔ دا سال نمائش اٹی واپاری ایونٹ، واپار و زرکاری ، پوسکن کشت وکشار، سیم پار واپار، دودوربیدگی سیل و سوات، جان جوڑی، آبی وسیلہ نا کاریم اٹ اتنگ، و موسمیاتی کمکاری نا بابت فورمک اوار ءُ۔ چیئرمین سینیٹ چین۔ عرب ملک آتا ایکسپو نا 10 می سال دے انا وخت آ پاکستان نا کنڈآن مبارکبادی تس۔ اوپارے کہ دا ایکسپو خیال آتا ہل و تس، اسہ ایلو نا آزموندہ غاتیان ہیل کننگ، اختراع، و تین پہ تینی شونداری کن رابطہ نا اسہ اہم ءُ ذریعہ اسے۔ عرب ملک آک خاص وڑاٹ سعودی عرب نا ایکسپو ٹی اوار مننگ بے کچ ستاکڑزک۔ چین۔ عرب اسٹیٹس ایکسپو آن ڈیہہ پین شون ہلیک و زرگزرانی شونہالی نا ہم ذریعہ جوڑ مریک۔ عرب ملک آک خاص وڑاٹ سعودی عرب نا کمک و ساڑی گری بے کچ ستاکڑزک۔
